‘WILDSFEES WORD NET AL HOE GROTER’
MEER as 55 000 besoekers het vanjaar die Absa Kirkwood Wildsfees bygewoon.
Mnr. Paul Marais, voorsitter van die fees se direksie, sê dit is vir hom ondenkbaar om op die dorp ’n fees sonder die gepaardgaande wildveiling aan te bied. “Dit is wat die jaarlikse fees en veiling so eiesoortig maak. Daar is ’n sinergie tussen die feesgangers en die wildbedryf en daar is ongelooflike gemeenskapsbetrokkenheid.
“Al was die omset op vanjaar se veiling die helfte minder as verlede jaar, kan wildboere elders in die land steeds verseker wees dat as hulle wild op dié veiling aanbied óf kom koop, hulle deur die beste span kundiges bedien sal word en presies dit kry waarvoor hulle betaal het.”
Mnr. Ian Engelbrecht, provinsiale landboubestuurder van Absa wat as hoofborg van die fees optree, sê dit is duidelik dat almal in die Sondagsriviervallei ernstig is oor groei, volhoubaarheid en om die gemeenskap op te hef.
“Die fees bied nie alleen vir ons kliënte die geleentheid om hulle produkte ten toon te stel nie, maar bevoordeel die gemeenskap deur werkskepping en deurlopende gemeenskapsprojekte.
“Dit sluit in die Mayibuye Ndlovu-ontwikkelingsprojek, die Masiphatisane Crèche, Themba- Op die opening van die Absa Kirkwood Wildsfees is, van links, mnr. Zolile Lose, burgemeester van die Sondagsriviervallei, me. Jenni Honsbein, feesdirekteur, mnr. Paul Marais, voorsitter van die fees se direksie, en sy vrou, Dalene. FOTO: THEUNS BOTHA
lethu Aids Edu-trust en ondersteuning aan twee plaaslike sokkerspanne.”
Mnr. Deon Saayman, hoofbestuurder van Sybokhaar SA, sê dit is dié bedryfsorganisasie se vierde jaar van deelname aan die fees. “Van die uitstallers se verkope het vanjaar verdriedubbel.”