’N BELOWENDE TOEKOMS WINK VIR DIE WILDBEDRYF
DIE
privaat wildlewebedryf het die afgelope twee dekades uits t ekend gegroei. Dié groei word veral t oegeskr yf aan uitbreidings in twee segmente, naamlik die teling en die verkope van lewende wild.
Die teelt en verkope van gewone wildsoorte het veral ’n groot bydrae tot die groei in die verkope van lewende wild gelewer. Indien ’n belegging in die wildbedryf oorweeg word, is dit raadsaam om onderskeid tussen die verskillende segmente van die wildbedryf te tref. Die bedr yf kan ingedeel word in jag, wildteelt, toerisme en wildprodukte. Elkeen van dié segmente bied eiesoortige kenmerke en knelpunte aan beleggers in die wildbedryf.
Die wildbedryf is uitstekend geposisioneer om in ál die segmente te kan groei. Wildteelt bied veral goeie geleenthede omdat toetrede tot die bedryf relatief maklik is.
Die totale omset van die wildbedryf word op R122,7 miljard geraam. Die verskillende segmente dra soos volg by: Jag, R7,5 miljard; wildteelt, R10 miljard; toerisme, R104 miljard; en wildprodukte, R1,2 miljard.
Gemeet aan die landbou se bydrae van R84,7 miljard tot die BBP is die wildbedryf, weens die bydrae van toerisme, een van die grootste bedrywe in die land. Segmente in die wildbedryf, soos j ag en wildteelt, vergelyk met die grootte van die suikerbedryf (R7,4 miljard) en die sitrusbedryf (R9,7 miljard).
Die GRAFIEK toon hoe die aantal wild wat sedert 2006 op veilings aangebied is, aansienlik toegeneem het. Boonop het die omset op wildveilings sedert 2007 buitengewoon gestyg.
Die private wildbedryf en die kommersialisering van wildsoorte lewer ’n wesenlike bydrae tot SuidAfrika se bruto binnelandse produk.
Dit kan oplossings bied vir die behoud van sekere bedreigde wildsoorte en bied uitstekende geleenthede om klimaatsverandering en droogtes se impak op boerderyinkomste te bestuur. Die wildbedryf se groei kan dus na verwagting voortduur.