VERLORE GELEENTHEDE
MANIE se vriend, die Agbiz-baas dok John Purchase, het verlede week ’n baie geldige waarskuwing gerig: Landbou-ondernemings en die boerderysektor is só vasgevang in transformasie- en politieke kwessies dat die groter prentjie van voedselsekerheid en die ontwikkeling van volhoubare, mededingende voedselstelsels by hulle verbygaan.
Hy sê dit na aanleiding van belangrike landbou-byeenkomste die afgelope tyd waar Suid-Afrika geskitter het in sy afwesigheid. Eerstens was daar die Milan-ekspo 2015, wat van Mei tot Oktober duur en waaraan 140 lande deelneem. Almal stel hulle beste tegnologieë ten toon om gesonde, veilige en voedsame kos te kan voorsien. Meer as 20 miljoen mense besoek die ekspo.
As deel van dié ekspo het Brittanje se handel- en- beleggingsdepartement ( UKTI) ’ n Agritech- simposium aangebied oor die deurslaggewende rol van landbou-tegnologie in volhoubare voedselproduksie. Die Britse regering stel jaarliks bykans R8 miljard aan agentskappe beskikbaar vir voedselnavorsing.
Die Agritech-simposium is toegespits op dierewetenskappe oor grense heen, akwakultuur en volhoubare visboerderye vir die toekoms, sowel as presisie-boerdery in die toekoms. Hoewel aanbiedinge daaroor op die internet beskikbaar is, stem Manie saam dat Suid-Afrika se gebrekkige teenwoordigheid kommerwekkend is.
Purchase sê uit Agbiz-personeel se bywoning van hierdie geleentheid, sowel as die Internasionale Vereniging vir Voedsel- en Landboubesigheidsbe- stuur (IFAMA) se onlangse forum in Minneapolis in Amerika het dit duidelik geword dat plaaslike voedselstelsels in baie opsigte nie vinnig genoeg vooruit beweeg wat tegnologiese ontwikkeling en toepassing betref nie.
Suid-Afrika se vermoë om sy mededingendheid te behou en te bevorder, terwyl hy terselfdertyd die volhoubaarheid van produksiestelsels verseker, ly daaronder.
Die werklikheid is dat Suid-Afrika te veel vasgevang is in politieke kwessies, soos grondhervorming, swart ekonomiese bemagtiging en transformasie. In die proses bly ontwikkeling agterweë.
Die afwesigheid van Suid-Afrika by iets soos die Milan-ekspo 2015 is ’n verlore geleentheid en ’n jammerte, sê Purchase.
GROOT BOOM VAL
Nog ’n groot boom in die landbou het geval toe Attie Swart, afgetrede hoof van programme by die Departement van Landbou, Bosbou en Visserye, onlangs sy stryd teen kanker verloor het. Attie was vir goed 40 jaar verbonde aan die departement en was selfs in die onstuimigste tye ’n vriend van die georganiseerde landbou en ’n bemiddelaar tussen boere en die politici.
Vangile Titi, adjunkdirekteur- generaal in die departement, beskryf hom op Facebook as goedhartig, eerlik en met onberispelike integriteit. Sy sê hy was vir haar ’n leermeester in haar werk en inspirasie in haar lewe.
Attie het ’ n M- graad in wiskundige statistiek