Suikerbedryf verloor R1,79 miljard in 2 jaar
DIE
suikerbedryf gaan vanjaar die minste suikerriet in dekades oes. Canegrowers, die suikerrietkwekersvereniging, voorspel dat die oes vanjaar net 15,066 miljoen ton sal beloop teenoor verlede jaar se 17,75 miljoen ton en 2013/’14 se meer as 20 miljoen ton.
Volgens Canegrowers gaan die droëland- suikerrietboere, wat erg deur die twee opeenvolgende droogtes en kwaai rypskade getref is, nagenoeg 21% van hul produksie weens die droogte inboet.
Volgens mnr. Bruno Eggers, ’ n agronoom by die UCL- suikermeule in die Natalse middelland, het UCL-produsente tot dusver vanjaar slegs 363 mm reën gehad. “Bykans 100 mm van hierdie totaal het in een bui reën geval. Die reën was dus nie versprei nie, wat die uitwerking van die droogte vererger.”
UCL se langtermyngemiddelde vir die eerste sewe maande van die jaar is bykans 500 mm. Die droëlandboere oes egter hul suikerriet elke 18 maande tot 24 maande. Dus kyk Eggers eerder na die totale reënval oor 24 maande: “In ’ n normale seisoen kry ons 1 800 mm oor 24 maande. Tans oes ons suikerriet wat slegs 1 300 mm oor die laaste 24 maande gekry het.
“Dit gaan belis ’n jaar van on- gewenste rekords wees.”
Canegrowers het bereken dat die verliese weens die droogte i n di e 2014/’ 15- s ei s oen R825,8 milj oen bel oop het en voorspel ’ n verdere verlies i n die 2015/’ 16- seisoen van R967,3 miljoen.
Die droogte het ook daartoe gelei dat sommige suikermeule later as gewoonlik met verwerking moes begin en sommige meule gaan glad nie in die 2015/’16-seisoen werk nie.
Canegrowers werk saam met provinsiale regeringsdepartemente om droogtehulp te bekom. Een van Canegrowers se bekommernisse is die groot moontlikheid dat die suikerriet se wortelstelsels weens die droogte vrek, wat beteken die landerye sal oorgeplant moet word. Dit is ’ n groot, onvoorsiene kapitaalkoste.
Eggers sê daar is nog nie plase in die mark as gevolg van die uitdagende toestande nie, maar as die komende somer nie goeie reën bring nie, kan daar heelwat boere wees wat weens finansiële druk sal moet uittree.
– JOHAN VAN DER MERWE