Optimisme oor distrikskomitees vlam op
ALLE aanduidings is dat die distrikskomitee- proses wat in die Nasionale Ontwikkelingsplan as deel van grondhervorming voorgeskryf is, broodnodige momentum in KwaZulu-Natal kry.
Die derde vergadering van die komitee van die distriksmunisipaliteit Harry Gwala in die suide van KwaZulu-Natal is op 10 Julie in Ixopo gehou.
Die vergadering is bygewoon deur afgevaardigdes van die plaaslike georganiseerde landbou, die Regering en lede van die private sektor, wat vir die eerste keer banke ingesluit het.
Me. Meg Rorich, sakebestuurder van die Zwartberg-landbouvereniging, sê daar is nou rede om optimisties te wees oor die proses soos dit in die komitees se mandaat uiteengesit is: “Die klem van die vergadering was dat grondhervorming nie produkti-
WERK WAG
Me. Annelize Crosby, regs-en-beleidsadviseur by Agri SA, sê egter daar i s nog baie werk wat voorlê voor dié komitees funksioneer vir die doel waarvoor hulle in die lewe geroep is. Die administrasi e, kommunikasie en vaardigheidsontwikkeling in dié komitees is al ’ n reuse- uitdaging. Aspekte van die opdrag vir die komitees moet ook nog op nasionale vlak uitgeklaar word. “By Agri SA is ons i n b e g i ns e l ten gunste van dié komitees en dit lyk asof die politieke wil bestaan om dié komitees te laat werk, wat ’ n riem onder die hart is. Die Regering is egter onrealisties oor die tyd waarbinne die komitees gestig kan word en doeltreffend kan funksioneer .
“Dis wel duidelik dat die georganiseerde landbou se bydrae op nasionale regeringsvlak in ag geneem word. Of dit oral op grondvlak die geval is, is egter ’n ope vraag,” sê Crosby.
VERTROUE BESTAAN
Volgens Rorich het die sameroeper op die vergadering, mnr. Kheta Nzimandi, die distrikskoordineerder van KwaZulu-Natal se departement van landbou en landelike ontwikkeling, ’n groot rol in die vordering gespeel. “Sy inklusiewe benadering tot die kommersiële boere se deelname het dit maklik gemaak om die Regering se sentiment, dat die kommersiële landbousektor die dryfkrag agter dié komitees moet wees, te aanvaar.
“Ons het uit die vergadering gestap met die gevoel dat ons ’n span is met dié gemeenskaplike doel. Solank daar tasbare vordering en deursigtigheid is, soos op dié vergadering, sal ons optimisties bly en ons volle samewerking gee. Boere offer hul kosbare tyd op, sonder vergoeding, omdat hulle die proses vertrou. Uit die vergadering blyk dit dat hulle inspraak sal hê en dat dit ter harte geneem sal word.”
Dié distrikskomitee vergader weer op 22 Julie om onder meer ’ n voorsitter te benoem. Die grondoudits wat in 2010 deur Kwanalu voltooi is, sal gebruik word as ’ n vertrekpunt vir die komitee se aksieplan.
– JOHAN VAN DER MERWE
‘Die klem van die vergadering was dat grondhervorming nie produktiwiteit en voedselsekerheid moet belemmer nie.’
Dr. Langa Simela is die nuwe Sake-ontwikkelingsbestuurder by Absa Agribesigheid se sentrum vir uitnemendheid. Sy was 15 jaar lank betrokke by die Nasionale Organisasie vir Opkomende Rooivleisprodusente (Nerpo).