VRUGTIG, WARM EN ONWEERSTAANBAAR Klapper-en-mangopoeding
As jy na die somer en sonskyn verlang, sal dié poeding net die regte troos wees. Geblikte mango en klapperroom sorg vir tropiese geure in ’n dekadente winternagereg. Jy kan die poeding met vars witbroodkrummels of gekrummelde sponskoek bak. ’n Skeppie vanieljeroomys boop is al wat nodig is.
2 ekstragroot eiers 125 ml suiker 500 ml vars witbrood- of sponskoekkrummels 250 ml klapperroom (of klappermelk) 250 ml klapper 1 ml sout 1 blik (440 g) mangoskywe in stroop, goed gedreineer Versiersuiker, om oor te sif
˚
Voorverhit die oond tot 180 C en smeer vier individuele oondvaste bakkies. Klits die eiers en suiker baie goed saam tot lig en dik. Roer die brood- of koekkrummels, klapperroom, klapper en sout by en meng tot ’n dik, gladde beslag. Skep in die voorbereide bakkies. Sit ’n stuk mango (of twee) binne-in die beslag. Bak vir ongeveer 45 minute tot die poedings goudbruin en ferm is. Sif versiersuiker oor en sit voor met vanieljeroomys. Lewer 4 groot
Winterpoedings maak die koue maande lekker. Ons toetskombuis het vyf weergawes met vrugte gemaak, die een so lekker soos die ander. Trek solank die poedingbakkies nader . . .
˚
Voorverhit die oond tot 200 C en hou ’ n swaarboompan met ’n oondvaste handvatsel gereed. Rol die skilferkorsdeeg uit tot 3 mm dik en sny ’n sirkel van 30 mm groter as die bokant van die pan wat gebruik word uit die stuk deeg. Verkoel tot later. Sit die appelstukke in ’n bak suurlemoenwater om te verhinder dat dit verbruin. Smeer die botter oor die pan se bodem en sprinkel die suiker oor die botter. Verhit stadig oor lae hitte tot dit begin smelt. Verwyder die pan van die hitte. Dreineer die appelkwarte baie goed en pak dit styf teen mekaar, sodat elk effens oorvleuel, in ’n mooi patroon op die suikermengsel. Sprinkel die kaneel oor. Verhit tot kookpunt en prut tot die stroop ’n karamelkleur het en die appels byna sag is. Verwyder van die hitte. Sit die deegsirkel oor die appels en druk die kante daarvan effens onder die karamel in. Bak vir sowat 15 minute of tot die deeg opgepof en goudbruin is. Verwyder uit die oond, laat ’ n rukkie afkoel en keer dan die pan op ’ n opdienbord om. Lig die pan versigtig af en sit die tert louwarm of teen kamertemperatuur voor met ’ n skeppie roomys of vanieljejogurt (sien die kassie hiernaas). Lewer 8 porsies.