Bankvas agter bedryf sedert die eerste wildveiling
Di e vordering wat i n die j ongste aantal jare in die wildbedryf gemaak i s , i s ongelooflik. Vleissentraal was daar t oe die heel eerste veiling gehou i s en s al i n die 2015-seisoen meer as 70 wildveilings aanbied. Vleissentraal was en is steeds betrokke by aanbevelings en voorstelle vir regulasies om die bedryf te reguleer en ’n sukses daarvan te maak.
Die ekonomiese groei wat die wildbedryf in die afgelope tien jaar getoon het, is welbekend. Wat net so belangrik is, en baie keer vergeet word, is die vordering wat gemaak is om die gehalte van die diere te verbeter.
Wat verbetering betref, is buffels en veral swartwitpense ’n goeie voorbeeld van die vordering wat oor die jare in horinglengtes gemaak is. Vroeër was teelbulle se horingmates 32” tot 34”. Vanjaar sal daar verskeie bulle met horinglengtes van 50” en groter op Vleissentraal-wildveilings aangebied word.
Vleissentraal het saam met die bedryf gegroei tot waar wildboerdery vandag al hoe meer ’n “stoetbedryf” bestuur waar die wetenskap en moderne tegnologie ingespan word. Die DNS van diere word bepaal en dit alles dra by tot die reuse genetiese vordering wat gemaak is.
Die mark ken nou die verskil tussen uitmuntende en middelmatige diere. Die vraag na diere van topgehalte op Vleissentraal-wildveilings het oor die jare net groter geword. Dit is vir telers belangrik om uitsonderlike diere te teel en aan die mark te voorsien.
WAT IS DIT WERD?
Wildgetalle het in die afgelope klompie jare aansienlik toegeneem, hoofsaaklik omdat daar ’ n ekonomiese waarde aan die diere geheg is. Wildveilings is die enigste platform waar hierdie waarde bepaal word.
Die een vraag waarmee elke wildboer worstel, is: “Wat is my dier werd?”
’n Wildveiling is die plek waar hierdie uitsonderlike diere se waarde, asook die waarde van gewone vlaktewild, bepaal word. Hierdie pryse word gebruik in die regstreekse bemarking van soortgelyke diere.
GELOOFWAARDIGHEID
Om ’n wildveiling suksesvol aan te bied, verg harde werk omdat ’n groot klomp faktore in berekening gebring moet word. Een van die belangrikste faktore is geloofwaardigheid. Vleissentraal het oor die jare ’n geloofwaardigheid by kopers én verkopers opgebou.
Verkopers bevestig die geloofwaardigheid van en hul vertroue in Vleissentraal deur hul uitsonderlike diere op Vleissentraal-veilings aan te bied. Die keersy is dat kopers die vertroue het om hul swaarverdiende geld op so ’n veiling te bestee.
Dit is vir Vleissentraal noodsaaklik dat die korrekte inligting vanaf die verkopers, soos ouderdom, teling en horingmates, op veilings verskaf word.
Persoonlike kontak met moontlike kopers is van onskatbare waarde. Dit is uiters belangrik om nasorg aan kopers te verskaf en vas te stel of hulle tevrede is. Die verkopers moet waarborge wat aan kopers gegee is, uitvoer.
PUIK OPBRENGS
As daar na die wildbedryf in geheel – skaars wild sowel as vlaktewild – gekyk word, bly dit tans ’n ongelooflike belegging.
Die opbrengs wat oor die afgelope jare gemaak is op die geld wat belê is, kan nie maklik in enige ander bedryf behaal word nie. En dan praat ’ n mens nie eens van die wonderlike leefstyl, mense en onskatbare plesier van wildboerdery nie.
Vleissentraal is bevoorreg om as die leiers in die wildbedryf bekend te staan en bedank graag almal in die bedryf vir die lojale ondersteuning deur die jare. Mnr. Niel Swart is ’n wildafslaer van Vleissentraal Bosveld.
Vleissentraal kan met reg daarop aanspraak maak dat hy die maatskappy is wat sedert die eerste wildveiling in 1972 op Hoedspruit nou betrokke by die wildbedryf is. Wildgetalle het in die afgelope jare aansienlik toegeneem, hoofsaaklik omdat daar ’n ekonomiese waarde aan die diere geheg is.