Werp skerp lig op beurtkrag
Die duursame, ingevoerde handflitse en koplampies van NiteCore het bykans almal ’ n vervangingswaarborg vir twee jaar en sal jou nie maklik in die steek laat nie.
Die flitsligte in die NiteCorereeks voldoen almal aan die basiese vereiste om lig te werp in die donkerte, maar dit is hóé hierdie flitse lig maak wat indrukwekkend is. Met meer en beter lig kom ’n effens duurder prys, maar met flitsligmodelle wat aangepas is vir spesifieke gebruike, is dit die belegging werd.
KIES DIE REGTE FLITS
Om lig ver te skyn in ’ n nou straal, is daar die modelle TM36 ( 1 100 m), TM16 ( 700 m) en MH40 (500 m).
Gooi ’n wyer kol oor ’n lang afstand met die TM26 ( 445 m en 4 000 lumens) en die TM15 (460 m en 2 650 lumens). Vir ’n klein, maklik hanteerbare handflits is die SRT7 en P25 beskikbaar. Vir selfs nog kleiner flitse wat maklik in ’n broeksak pas, is die MH12, P10 en MT2C beskikbaar. ’n Baie nuttige sleutelhouerflitsie is die NiteCore Tube.
Die koplampies ( HC50 en HC90) spog met ’ n 100 grade wye kol en laat jou toe om albei hande vry te hê.
NiteCore- flitse het ’ n aluminiumstruktuur met harde anodisering. Die ontwikkeling van die LED (liguitstralende diode) toon ’n drastiese verbetering op ouderwetse flitse en gee ’n baie skerper, witter lig wat batterye doeltreffend gebruik.
NiteCore-flitse gebruik litiumioon-batterye wat baie hoë energievlakke dra vir hul grootte en meer totale spanning as konvensionele batterye lewer. Boonop behou litiumioon- batterye hul lading beter, selfs al word dit ’n ruk lank nie gebruik nie.
NiteCore verkoop sy flitse met die battery en laaiers ingesluit, maar ’ n mens kan die battery ook los koop. Produkte soos die HC90, P25, MH25 en Tube word met ’n mikro USB-kabel gelaai.
Wees bedag op die verskille tussen duurder, skerp LED’s en goedkoper, flouer LED’s. Alle vervaardigers se spesifikasies is ook nie altyd volgens ’n standaard gemeet nie. NiteCoreflitse gebruik van die nuutste hoë-intensiteit-LED’s en die liguitset word volgens die ANSI FL1-standaard bevestig
NiteCore-flitse gebruik gevorderde elektronika om die LED aan te dryf. Dit laat die opsie om intensiteitsvlakke te verander of gevorderde instellings, soos “SOS”, “Beacon” en “Strobe”, op sommige modelle te skakel. Boonop word die uitsetskerpte gereguleer om so lank as moontlik ’ n konstante intensiteit te lewer, anders as in ander flitse waar die lig flouer word soos wat die batterykrag afneem. Die flits sal outomaties een vlak flouer word by ongeveer 55 °C, wat die langdurigheid van die toestel en batterye beskerm.
Wees gereed vir donker nagte as beurtkrag inskop met NiteCore se hoëintensiteit flitsligte of hou dit byderhand vir enige draagbare ligbehoeftes in en om die huis.