Bekostigbare sonkrag vir almal
Vergelyk sonkrag met vervoermiddels, iets wat bykans almal het: ’ n Fiets, ’ n bakkie of dalk ’ n sportmotor. As ons ons net in die laasgenoemde opsie vasstaar, sal die meeste van ons ook sê: “Dis te duur!”
Maar ons maak tog ’ n plan om minstens ’n klein motortjie te kan koop. Nie almal kan dit kontant doen nie en ons leen dus geld by die bank en betaal dit af oor ’n tydperk.
Ons sien net die maandelikse paaiement wat ons sak pas, nie die totale prys wat aanvanklik onbekostigbaar gevoel het nie.
Nes met motoraankope kan finansiering sonkrag binne jou bereik plaas. Soortgelyk aan ’n motor se paaiement wat inpas by jou begroting, kan Allsolar help om die koste van sonkrag aan te pas by jou sak en groeiende behoefte.
Terwyl die waarde van enige motor met verloop van tyd drasties afneem, is ’n sonkragstelsel die enigste huisverbetering wat daagliks geld in jou sak terugsit vanaf die eerste dag wat dit geïnstalleer is.
Die stelsel bied ’n fantastiese opbrengs op jou belegging met ’n gebruiksduur van tot 25 jaar. Daarby voeg dit waarde toe tot jou eiendom. Daar is ’n onuitputbare bron van sonkrag beskikbaar – jy moet net jou deeltjie daarvan opskep.
Of jy nou in ’ n sinkpondok woon of jou eie krag op jou plaas wil opwek, Allsolar kan aan jou ’ n sonkragoplossing bied. Ons kan jou selfs help met ’ n doelgerigte stelsel wat jy stapsgewys kan uitbrei soos wat jou begroting dit toelaat.
Wil jy dalk net krag hê tydens beurtkragtye? Of dalk wil jy hê jou onderneming moet nie deur beurtkrag geraak word nie?
Allsolar het ’ n bekostigbare oplossing vir jou.
Waarvoor wag jy? Kontak jou naaste Allsolar- tak vir nog inligting en advies om ’n sakpasoplossing vir jou te ontwerp, te finansier en te installeer.
Besit eerder jou elektrisiteit as om dit te “huur”.
Baie mense sal graag hul eie krag wil opwek. Die meeste mense se reaksie is: ‘Dis te duur!’ Dis egter lonender as wat jy dink.
All Power was die heel eerste Suid-Afrikaanse maatskappy wat sonkragwaterpompe ontwerp en vervaardig en daarna ook wêreldwyd begin uitgevoer het. Sedert daardie eerste dae in die bedryf het All Power beslis geen brieke aangedraai nie!
Ná 26 jaar en met meer as 26 000 pompstelsels van alle groottes wat net in Suid-Afrika geïnstalleer is, het kliënte met reg verwag dat All Power met nog nuwe sonkragplanne vorendag sal kom.
All Power het nou ’n volledige reeks sonkragwaterpompe – gelykstroom tot drie-fasewisselstroom – om besproeiingstelsels en spilpunte aan te dryf.
WARM WATER DIREK VAN SONKRAGMODULES
Met All Power weer aan die voortou, kan gewone, bestaande elektriese geisers met gewone sonkragpanele doeltreffender aangedryf word. Daar is geen onooglike apparaat op dakke nie, geen glas-tipe buise nie, geen loodgieterswerk is nodig nie en daar is geen probleme met vriestoestande nie.
SPILPUNTE EN SPROEIERS
Sproeiers, spilpunte en kanonspuite van alle groottes word met gemak regstreeks deur die son aangedryf, selfs in bewolkte toestande. Meer as 260 driefasewaterpompstelsels wat tot 200 000 liter per uur of selfs meer pomp, is die afgelope twee jaar met groot sukses geïnstalleer. Daar is geen batterye, kraglyne en maandelikse beskikbaarheidstariewe nie.
Daar is ook geen gereelde verhoging in kragkoste nie. Die besparing is van só ’ n aard dat die meeste kliënte ná minder as vyf jaar reeds die kapitaaluitleg van so ’n stelsel verhaal het.
Die spesiale WaterMax- formule waarvolgens pompstelsels ontwerp word, lei daartoe dat pompe onverbeterlik vaar in bewolkte toestande. Die spesiale outomatiese WaterMax drie- fase- MPPT-omsetters maksimaliseer vloei op alle radiasievlakke. Dit gebruik frekwensiebeheer om in presiese vloeibehoeftes te voorsien.
Dit is pure plesier om te sien hoe damme vol loop, sproeiers lustig water spuit en spilpunte met gemak die werk verrig wat voorheen teen hoë koste gedoen moes word en wat boere moedeloos gehad het. Honderde boere glimlag nou breed omdat All Power se doeltreffende WaterMaxwaterpompstelsels vir hulle baie meer geld in die sak beteken.
Ons het talle verwysings van suksesvolle stelsels wat gemoedsrus kan gee aan voornemende kliënte.
SONKRAGSTELSELS VIR BEHUISING
All Power se PowerMaxsonkragstelsels vir kothuise, woonhuise, besighede en industriële toepassings is nou gewilder as ooit.
Klein stelsels maak voorsiening vir huise waar net ligte benodig word, of dalk selfs ook ’ n TV.
By groter stelsels word yskaste, vrieskaste, rekenaars, televisiestelle, dekodeerders, alarmstelsels, wasmasjiene, ligte, sweismasjiene, kraggereedskap en talle ander toestelle met gemak aangedryf. Dit alles sonder dat daar elke maand ’ n enorme elektrisiteitsrekening is wat betaal moet word.
Die PowerMax- sonkragstelsels bestaan uit net die beste plaaslik vervaardigde bi- direksionele suiwer sinusgolfomsetters en MPPT-reguleerders. Dit word gerugsteun deur All Power se reeds bekende en onverbeterlike naverkoopdiens.
Die voordeel van hierdie PowerMax-stelsels is dat dit uitgebrei kan word en kliënte kan dus klein begin om ’n huidige begroting te pas en sonder moeite die stelsel uitbrei sonder dat dit later nodig is om enige deel van die stelsel te vervang.
Klop by All Power aan, want as dit sonkrag is … moet dit All Power wees!
All Power is sedert 1989 die onbetwiste voorloper in die plaaslike ontwerp en vervaardiging van sonkragwaterpompe.