FAW staan sterk
Die meeste mense besef dit nie aldag nie, maar die Chinese voertuigreus FAW is vanjaar al 21 jaar lank bedrywig in Suid-Afrika. Danksy die maatskappy se omvattende verskeidenheid geharde, betroubare en bekostigbare produkte het dit in hierdie tyd ’ n gevestigde en gerespekteerde handelsmerk in die plaaslike vervoerbedryf geword.
FAW Suid-Afrika het in Julie 1994 tot stand gekom. Dit het sedertdien van ’ n baie beskeie begin gegroei tot ’ n onderneming met ’ n omset van miljoene rande. Sy steeds groeiende reeks produkte sluit alles van mediumswaar- vragmotors tot ekstraswaar- voorhakers in. In die reeks produkte is vragdraers, betonmengers, vulliswaens en wipbakvragmotors.
In die afgelope 20 jaar het FAW onvermoeid gewerk om mense in die plaaslike vervoerbedryf te oortuig dat hulle die betroubare voertuie van FAW in China, waar die allerbeste produkgehalte die wagwoord is, met die grootste vrymoedigheid kan koop.
’n Uitstekende voorbeeld van die gehalte en betroubaarheid van die maatskappy se vragmotors is Trans Atlantis Vrystaat se 2004-model FAW 13.160 van 8 ton, wat oor ’n tydperk van nege jaar altesame 1,5 miljoen km oor die lengte en breedte van Suid- Afrika afgelê het met sy oorspronklike enjin, ratkas en ewenaar. En dis nie al nie. Die ou 13.160, wat “Oupa” gedoop is, het 180 000 km op sy eerste stel bande gehaal.
FAW Suid- Afrika het die 13.160 van Trans Atlantis Vrystaat se Deetlefs-familie “teruggekoop” en tans beklee die vragmotor ’n ereplekkie in FAW se Historiese Saal by die vervaardigingsaanleg in Coega.
FAW het vandag ’ n verkoops- en diensnetwerk van 36 verkoops- en versieningshandelaars in Suid- Afrika, Namibië en Botswana, drie belangrike streeksentrums en ’ n onderdelepakhuis in Spartan in Gauteng waarin meer as R70 miljoen se onderdele gehou word.
En daarby kan jy voeg ’n moderne hoofkantoorkompleks in Johannesburg en ’ n produksie-aanleg van R600 miljoen in die Coega-nywerheidsgebied in die Oos-Kaap, wat in Julie verle- de jaar met produksie begin het.
Die Coega- aanleg het ’n produksievermoë van 5 000 vragmotors per jaar, wat binne afsienbare tyd ten volle benut sal word. Intussen het FAW ook sy eie, toegewyde bakbou-aanleg in Coega geopen. Vir die wegspring is wipbakke vervaardig, maar valkant- en betonmengbakke word ook beoog.
Vroeër vanjaar is nog ’ n mylpaal bereik deurdat FAW sy eerste plaaslik vervaardigde vragmotors uitgevoer het. Die eerste besending was vyf J5P- voorhakers wat na Transafrica Motors in Mombasa, Kenia, verskeep is.
Handelaars in Afrika, wat hul voertuie voorheen van FAW in China ingevoer het, plaas hul bestellings nou in al hoe groter getalle by FAW Suid- Afrika danksy die korter afleweringstyd en ook omdat dit goedkoper is om vragmotors te verkry van ’n fabriek op dieselfde vasteland.
Die pronkstuk van FAW is natuurlik die 8.140 FL, ’ n mediumswaar- vragdraer, wat spesiaal aangepas is vir die plaaslike mark. Die nuwe FAW, wat pas sy buiging gemaak het, is bestem vir kopers in Suider- en Midde-Afrika. Die nuweling is bekend gestel in reaksie op klantversoeke om ’n geharde, duursame vragmotor met afmetings wat voldoen aan die behoeftes van toepassings waar ligter voertuie vereis word.
Die 8.140 FL kos R239 000 (sonder BTW). FAW sê dit bied die laagste koste per ton van enige mededinger in die afdeling vir mediumswaar-vragmotors.
Dit word in die Coega-aanleg
In die afgelope twee dekades het hierdie Chinese vervaardiger naam gemaak met betroubare vragmotors. Nou het hy begin om vragmotors wat in die Oos-Kaap
gemonteer is, na ander Afrikalande uit te voer. Die Coega-aanleg het ’n produksievermoë van 5 000 vragmotors per
jaar, wat binne afsienbare tyd ten volle benut sal word.
vervaardig van halfgemonteerde boustelle wat uit China ingevoer word.
Daar is verskeie bakopsies vir die nuweling, insluitende valkant-, skuifseil-, paneel- en wipbak, sowel as ’n platbak-herwinningsvoertuig en ’n geïsoleerde toebakvragdraer vir die vervoer van verkoelde produkte. Kopers kan ook net die kajuit/onderstel koop en hul eie bakke daarop aanbring. Die standaard- baklengte is 5,5 meter.
Krag kom van ’n Euro 3-Cummins ISF-enjin van 3,8 liter. Hierdie viersilinder- gelidkragbron, toegerus met ’ n turboaanjaer en tussenkoeler, bied puik verrigting, maklike en bekostigbare instandhouding, lae geraasvlakke en ekonomiese dieselverbruik. Die enjinkrag van 105 kW by 2 600 r/min. en 450 N.m wringkrag tussen 1 200 r/ min. en 2 200 r/min. word deur ’n gladskakelende ZF-sesganghandratkas na die trekwiele oorgedra.
’n Wabco-remstelsel verseker dat die 8.140 FL maklik en veilig tot stilstand gebring kan word.
Dit is ’n vollug-dubbelkanaalstelsel met ABS. Die trommelremme het S-nokremme en outomatiese spelingstellers, en die FAW het ook ’n uitlaatrem en ’n lugparkeerrem.
Die leerraam- tipe onderstel het semi- elliptiese bladvere sowel as dubbelaksie- skokbre- kers voor en bykomende vere en skokbrekers agter. Die asse is aangeslaan vir 3 ton voor en 6 ton agter, wat beteken dat die 8.140 FL se dravermoë meer as voldoende is vir die meeste aanwendings waarvoor die vragmotor ontwerp is.
Die kajuit is ’ n sogenoemde kajuit- oor- enjinontwerp. Dit kantel teen 45 grade om maklike toegang te bied vir instandhoudings- en versieningsdoeleindes. Die digitale instrumentepaneel en ander kontroles is binne maklike bereik van die gemiddelde Suid-Afrikaanse bestuurder. Die kajuit is 2 m breed en bied sitplek vir drie mense, met die middelste deel wat kan wegvou. Kragstuur en radio- en USB-konneksies is standaardtoerusting.
Die groot voorruit en die kantvensters verseker goeie sig, terwyl die groot kantspieëls sorg vir onbelemmerde sig van die kante en agterkant van die vragmotor. Dit verseker groter veiligheid en maklike bestuurbaarheid.
Die 8.140 FL- reeks word gedek deur ’n waarborg van twee jaar met onbeperkte kilometers.
* Die China FAW- Korporasiegroep ( First Automobile Works) is in die provinsie Tsjangsjoen gesetel en is China se oudste en grootste voertuigvervaardiger met ’n produksietotaal van meer as 30 miljoen voertuie.
Die internasionale reus het in die afgelope ses dekades ontwikkel tot een van die wêreld se voorste vervaardigers. Hy is vandag op twee na die grootste vragmotorvervaardiger ter wêreld. Die China FAW- Groep het gesamentlike ondernemings met verskeie ander van die wêreld se voorste vervaardigers, insluitende Volkswagen, Audi, Toyota en Mazda.