Ysterperd terug in nuwe gedaante
Hier is nou ’n stukkie goeie nuus vir alle tweewielgeesdriftiges: Die algeheel nuwe Indian Scoutmotorfiets, ’n kranige middelgewigmotorfiets wat spog met al die glanspunte wat die oorspronklike Scout een van die bekendste motorfietse van alle tye gemaak het.
Trouens, dit is die eerste ware nuwe Indian Scout in meer as 70 jaar en sit die tradisie voort van die legendariese motorfietse wat die gevreesde “Muur van die Dood” getem het en waarmee die befaamde “Indian Wrecking Crew” motorfietsrenspan tientalle oorwinnings behaal het.
Die Indian Scoutmotorfiets het ’ n lang, lang geskiedenis. Die oorspronklike Scouts is van 1920 tot 1949 vervaardig deur die Indian Motorcycle Company of America en talle van hulle is tydens die Tweede Wêreldoorlog deur veral die Britse en Statebondsmagte gebruik.
En alle motorfietsgeesdriftiges sal sekerlik die NieuSeelander Bert Munro se landspoedklasrekord onthou wat hy op ’n gemodifiseerde 1920Scout opgestel het. Sy laaste rekord was op 26 Augustus 1967 met ’n snelheid van 295,453 km/h!
Die Indian Motorcycle Company het in 2003 produksie gestaak en is in likwidasie geplaas. Die Indian Motorcycle Company van Kings Mountain, NoordCarolina, het die Indianhandelsmerk laat herleef, maar die Scoutnaam is nie gebruik nie. In 2011 het Polaris Industries die Indian Motorcycle Company uitgekoop en vir die 2015modeljaar is die Scoutnaam weer in ere herstel. En dit is hierdie motorfiets met sy beroemde naam wat SuidAfrikaners nou kan koop.
Die 2015model Scout word aangedryf deur ’ n splinternuwe tweesilinderVenjin van 1 133 cm3 met dubbelbonokasse en vloeistofverkoeling wat 75 kW en 98 N. m wringkrag by 5 900 r/min. ontwikkel. Die enjin, met geslotekringbrandstofinspuiting en skakellose versneller, is gekoppel aan ’ n sesgangratkas met ’n snelrat.
Die nuwe motorfiets is van nuuts af ontwerp ten einde ’ n uitstekende balans tussen gerief, beheer, hantering by lae sowel as hoë snelhede, en weergalose verrigting te verseker.
Die fietsraam self bestaan uit verskeie aluminiumgietstukke wat aanmekaar en aan die enjin vasgebout is.
Van die vernaamste eienskappe sluit in die lae hoogte van die sitplek ( net 643 mm), die asafstand van 1 562 mm en ’n grondvryhoogte van 135 mm.
Die leunhoek van 31 grade en lae swaartepunt maak die Scout besonder maneuvreerbaar. ABSremme is standaard en so ook die unieke taankleurige enkelsitplek van egte leer.
Die prys van die nuwe Indian Scout begin by R159 900 en die fiets is in verskeie kleure verkrygbaar, onder meer Thunderswart, Indian Motorcyclerooi, Silver Smoke (matafwerking) en Thunder Black Smoke ( matafwerking). ’ n Volle reeks bybehore is ook beskikbaar.
Die vervaardiger sê die nuwe Indian Scout is die ideale ryding vir ryers van alle groottes en ondervindingsvlakke. Of jy ’n groentjie of ’n ervare ryer is, die 2015model Indian Scout is net die ryding vir jou.
Die befaamde Indian Scout-handelsmerk was ’n klompie jaar van die mark af, maar nou is dit met mening terug.