Invoer tot Mei 94% hoër
DIE
hoë vlak van invoer van melkprodukte het in Mei voortgeduur.
Luidens die Melkprodusente-organisasie (MPO) se tydskrif Melkbulletin was die totale invoer in die eerste vyf maande van vanjaar 39 143 ton – 94% meer as in dieselfde tydperk verlede jaar.
In Mei alleen is 10 876 ton melkprodukte ingevoer.
Hoewel uitvoer in die tydperk 3,4% laer was, is Suid- Afrika steeds ’n netto uitvoerder sowel op grond van gewig as die melkekwivalente grondslag van wat uitgevoer is. Melkekwivalent is die hoeveelheid liter melk wat na raming in die vervaardiging van die betrokke produkte gebruik is. spreidingsmarges van melk gestyg het. Laer produsentepryse lei daartoe dat die boer se aandeel in die verbruikersrand skerp daal.
Hoë voerkoste dra ook tot die kleiner marges by wat die belangrikheid van skaalekonomie beklemtoon. Groter en beter geïntegreerde melkboerderye behoort hul winsgewendheid in die huidige moeilike ekonomiese toestande beter te kan handhaaf.
Die afname in mededinging skep egter ’n geleentheid vir nuwe toetreders tot die melkmark. Die gaping tussen kleinhandel- en produsentepryse het vergroot. Gevolglik het die winsmarges van verwerkers merkbaar op die rug van plaaslike melkproduksie toegeneem.
Ondernemende melkboere het nou die geleentheid om verder aan in die waardeketting te integreer. Dit beteken dat hulle dit moet oorweeg om individueel of koöperatief in die vervaardiging en verspreiding van melkprodukte betrokke te raak en sodoende hul skaalekonomie te vergroot. Vir die boere wat net wil melk, lyk dinge egter nie so rooskleurig nie.
Die huidige ekonomiese toestande kan ’n daling in melkproduksie versnel. Sodra een liter melk minder as 1,68 kg mielies kan koop, verminder melkboere hul voerverbruik om koste te probeer verminder. Gevolglik daal produksie. Om te oorleef, moet boere ekonomieser en produktiewer melk produseer.
Dit is nie vir almal moontlik nie en gevolglik word verwag dat melkproduksie kan daal. Dit sal daartoe lei dat die bedryf verder konsolideer. Gegewe die huidige aannames oor potensiële verhogings in produsentepryse en laer voerkoste behoort produksiemarges egter teen einde volgende jaar beter te vertoon.
–