LEEFSTYLPLASE OP LANDGOED

Vergeleke met plaasgrondpryse in Amerika, Brittanje en Australië presteer die Suid-Afrikaanse mark goed.

Volgens Savill, ’n eiendomskonsultasiemaatskappy in Brittanje, het plaasgrondpryse in dié land vanaf 1950 jaarliks met ongeveer 7,5% toegeneem.

In Amerika was die styging in dié tyd sowat 6,6% per jaar. Die afgelope dekade het plaaspryse in Brittanje egter met 13,7% per jaar gestyg en in Amerika met 8,1% per jaar.

Savill voorspel dat boere in Amerika se winsgewendheid ’n groter rol in plaasgrondpryse gaan speel as in Brittanje, waar beleggers in die landbou ’n groter rol in hierdie pryse speel. In Amerika het produkpryse ’n regstreekse uitwerking op die winsgewendheid van die boerdery, asook op plaasgrondpryse.

Die prys van graanprodukte het daar die laaste jaar baie gedaal, daarom het plaasgrondpryse, veral in die graanproduserende gebiede, gedaal. Die prys van plaasgrond wat hoofsaaklik vir veeproduksie gebruik word, het gestyg. Dit is omdat veeboere se winsgewendheid danksy laer voerkoste gestyg het.

In teenstelling met Amerika word plaasgrondpryse in Brittanje meer deur leefstylboere bepaal en minder deur die winsgewendheid of produksiepotensiaal van die grond. In sommige dele van Suid-Afrika kan dié uitwerking ook gesien word.

In Australië het plaasgrondpryse in die westelike dele van die land volgens die Australiese kommoditeitsburo (Abares) van 2008 tot 2013 met soveel as 44% gedaal. Dit volg nadat pryse in 2008 ’n hoogtepunt bereik het. In ander dele van die land het plaasgrondpryse nie so dramaties gedaal nie.

In Suid-Afrika het die prys van plaasgrond die afgelope paar jaar ondanks baie onsekerhede met gemiddeld 10% per jaar toegeneem en in sommige dele selfs met meer. Die prys van plaasgrond in Suid-Afrika presteer dus goed of selfs beter as in die res van die wêreld.

— FRANCOIS HUMAN

Die duurste bul op Meaker Brafords se derde produksieveiling op die plaas Draaihoek, Warden, is teen R47 500 aan mnr. Van Aardt Greyling van Lady Grey verkoop. Twee bulle is teen R45 000 stuk aan onderskeidelik mnre. Gert en Stefan van der Merwe van Standerton en Carl de Jager van Ladysmith verkoop. Altesame 29 bulle is teen gemiddeld R29 568 stuk verkoop. CMW/OVK het die veiling aangebied en mnr. PM Swart was die afslaer. Op die jaarlikse veiling van die Wes-en Suid-Kaapse Angus-klub op Moorreesbug is die duurste bul teen R33 000 aan die JH Blankenberg-boerdery, Klipheuwel, verkoop. Links is mnr. Johan Esterhuizen van die CBR Angus-stoetery, Montagu, verkoper van die duurste bul, by mnre. Appie Maritz, afslaer van BKB in die Paarl, en Danzel Lukas, hanteerder. Vyf Angusbulle is teen gemiddeld R25 200 stuk verkoop. BKB het die veiling aangebied.

Dié bul (’n Beefmaster-Bovelder-tipe) is op die sesde Volksrustse Grasveld-bulveiling op die plaas Alexander, Volksrust, teen die hoogste prys van R42 500 verkoop. Die verkoper was mnr. Frans Duminy van die Harwar-boerdery, Volksrust, en die kopers mnre. Hendrik Odendaal en David Schoeman van die Allemansgras-boerdery, Warden. Altesame 33 bulle is teen gemiddeld R25 803 stuk verkoop. CMW/OVK het die veiling aangebied en mnr. Louwrens Bibbey was die afslaer.

ALGEMEEN

23-25 JULIE: Studente-ekspo. Greenstone-winkelsentrum, Johannesburg. Web: www. student-expo.com. 31 JULIE-1 AUGUSTUS: !Nabakos-en-wynfees, Upington. Sonja, sel 082 410 7669. Web: www.naba foodandwine.co.za. 27-30 AUGUSTUS: Kaapse Blommeryk-ekspo. Megapark, Bredasdorp. Agri Mega. Eunice Joubert, sel 082 808 1114, of e-pos: eunicek@ agrimega.co.za. Chris van Rhyn, tel. 021 863 0397, of e-pos: marke ting@capefloralkingdom.co.za. 16-19 SEPTEMBER: Agri-Megaweek. Megapark, Bredasdorp. Pikkie Louw, sel 082 566 5880, of e-pos: pikkie@agrimega.co.za. Reinette Basson, tel. 021 863 0397, of e-pos: reinette@agrimega.co.za. 15-17 OKTOBER: Agri-Expo Livestock 2015, Sandringham, Stellenbosch. Tel. 021 975 4440, of e-pos: admin@agriexpo.co.za. Web: www. livestock.org.za. 28-31 OKTOBER: Agri Capeweek, wyn-, vrugte- en varsprodukte-ekspo. Kleinplasie, Worcester. Anne-Marie le Roux, tel. 021 863 0397, of e-pos: annemarie@agri mega.co.za.

Marco, sel 082 872 2745. Kraampies, Johandré, sel 076 662 3535. Algemeen, Andries, sel 072 265 1039.