Studente ontwrig lesings oor Afrikaans

LESINGS is hervat by die Elsenburginstituut vir landbouopleiding ’n dag nadat “10 tot 20” studente wat daarop aandring om in Engels of Xhosa onderrig te ontvang, klasse ontwrig het.

’n Ouer van ’n Afrikaanssprekende student wat gevra het om anoniem te bly, sê die aanbieding van klasse in Afrikaans is onmiddellik opgeskort. Die ouer sê dit gaan nie net oor die taal van onderrig nie, “daar is ander kwessies ook”, soos wrywing tussen die instituut se studenteraad en die huiskomitee van die koshuis.

Die ouer sê hy verstaan dat daar nou konsultasie sal plaasvind met alle studente, maar is bevrees dat die besluit om klasse net in Engels aan te bied moeilik verander sal word.

Mnr. Alan Winde, WesKaapse minister van landbou, ekonomiese ontwikkeling en toerisme, het aan Landbouweekblad gesê sy departement beskou die voorval en die taalkwessie in ’n baie ernstige lig aangesien die vooruitgang van die landbou op die ontwikkeling van nuwe vaardighede berus: “Dit is waarom ons toegang tot goeie landbouopleiding moontlik moet maak vir enige leerder wat in dié rigting wil studeer.”

Volgens hom het die kollege “onmiddellik” gereageer op die studente se versoek deur te gelas dat onderrig voortaan in Engels sal plaasvind en dat studiemateriaal in Engels en Afrikaans verskaf sal word. Winde sê dit is ’n tussentydse maatreël wat sal geld totdat ’n reaksieplan in die volgende maand ontwikkel is.

Vrae oor die beweerde ongemaklike verhouding tussen die studenteraad van die instituut en die huiskomitee van die koshuis, onder meer oor die taalkwessie, het onbeantwoord gebly.

* Landbouweekblad het kort voor druktyd ’n dokument gekry wat mnr. Darryl Jacobs, waarnemende adjunkdirekteurgeneraal van landbouontwikkeling en ondersteuningsdienste, op 21 Julie aan personeel uitgestuur het. Daarvolgens is die taalkwessie by ’n vorige geleentheid geopper deur ’n “groep studente wat aanhoudend gemarginaliseerd en vervreemd voel” omdat sommige lesings net of gedeeltelik in Afrikaans aangebied word. Volgens die dokument sal die verhouding en t aalkwessies tussen die studenteraad en huiskomitee van die koshuis besleg word waarna alle studente betrek word om die taalkwessie by te lê. – AMELIA GENIS

LANDBOUNUUSMAKER

uit te daag. “Dit is bedrog en vir seker onwettig, maar daar is tans nie konkrete wetgewing wat spesifiek na hierdie tragedie verwys en op grond waarvan ons die Regering voor die hof kan daag nie,” verduidelik Du Plessis. Hy is ook bekommerd oor grond wat ná 2009 aan grondeisers gegee is. “Dit is staatsgrond, maar die begunstigdes verhuur die grond aan kommersiële boere. Hierdie proses is onwettig en hou ’n groot risiko vir die begunstigdes én die kommersiële boer in. Aangesien die grond nie aan die begunstigdes behoort nie, het hulle nie die reg om die grond te verhuur nie. Indien die proses wetlik moes geskied, sou die kommersiële boer die grond by die Regering moes huur. Dit laat egter die begunstigdes sonder enige inkomste,” sê Du Plessis.

Volgens hom lê die oplossing in besitreg, titelaktes en goeie wetgewing. “Gee mense die titelaktes, wettig die huurkontrakte en haal dan die politiek uit grond uit. Dit is ’n feit dat die Zoeloekoning slegs om politieke redes die hele KwaZulu-Natal eis, terwyl daar geen behoefte is om die grond as ’n ekonomiese hulpbron aan te wend nie. Dit was dalk waar ons as boere 21 jaar gelede kortsigtig was. Dit is duidelik dat grondhervorming bloot ’n maatskaplike oefening met politieke agendas is.”

– JOHAN VAN DER MERWE