‘NUWE BRIES WAAI DEUR AFRIKA’
DIE
geleenthede in Afrika is geskik vir beleggers wat bereid is om op lang termyn – 20 jaar tot 25 jaar – betrokke te raak.
Só sê mnr. Chris Venter ( REGS), uitvoerende hoof van Afgri. Hy was deel van ’ n paneelbespreking by die FarmBiz-konferensie oor agribesigheid in Afrika wat in Midrand gehou is.
Hy sê die knelpunt in Afrika is om kleinboere, wat die meeste boere verteenwoordig, se produksie te verhoog.
Volgens dr. Theo de Jager, voorsitter van die Pan- Afrika- boereorganisasie ( Pafo), is dié kleinskaalse boerdery ’ n armoedestrik. Suid- Afrikaanse boere kan ’n verskil maak deur kleinboere te help om entrepreneurs te word.
SOOS HUWELIK
Suid- Afrikaners wat in ander l ande betrokke raak, moet een ding weet. “Daar is nie so iets soos grond sonder mense i n Afrika nie; alle grond is verbind met i emand, meestal ’n gemeenskap. As jy die grond wil gebruik, trou jy met dié gemeenskap. Dit het al die voor- en nadele van ’n huwelik. Daar moet regstreekse voordele vir hierdie gemeenskappe wees,” sê De Jager.
Hy is baie optimisties oor Afrika se landboutoekoms.
“’n Nuwe bries waai deur die landbou in Afrika. Selfs in die donkerste hoeke gebeur daar iets en dit is droomgedrewe. Oor tien jaar gaan ons in ’n nuwe omgewing wakker word.”
GRENSE BEPERK
De Jager sê ’n beter beleidsomgewing is egter nodig en dat landsgrense handel tussen Afrikalande belemmer. Volgens me. Elaine Alexander, adjunk-direkteur- generaal van ekonomiese ontwikkeling, handel en bemarking by die Departement van Landbou, Bosbou en Visserye, is die Regering verbind tot streeksgeïntegreerde handel. “Voorheen het Suid- Afrika ’ n mog het troffe-benadering tot Afrika gehad. Nou het ons ’n plan om voorrangmarkte te bepaal.”
Oor klagtes van ander Afrikalande dat Suid- Afrika dit vir hulle moeilik maak om produkte hierheen uit te voer, sê sy dit is belangrik om fitosanitêre en sanitêre standaarde te handhaaf.
Die departement het wél besluit om sy getal personeel by grensposte te verhoog om só die tyd daar te verkort.
Dr. John Purchase, uitvoerende hoof van die landbousakekamer Agbiz, sê grenskwessies is ’n groot probleem en dat vinniger vordering met die vryehandelsgebied op die vasteland nodig is.
Dit sal egter waarskynlik nog vier jaar tot vyf jaar duur om af te handel.
Purchase sê ook Afrika sal nie noodwendig Suid-Afrika se grootste uitvoerbestemming bly nie omdat Afrikalande self wil produseer. – CARIEN KRUGER
MNR. SENZENI ZOKWANA BO),
( Minister van Landbou, Bosbou en Visserye, het sy belofte dat geen grond “gegryp” sal word nie, aan ’n gehoor bestaande uit landbousakelui herhaal.
“Ons sal binne die Grondwet werk; ons sal nie enige grond gryp nie,” het Zokwana by die FarmBiz-konferensie oor agribesigheid in Afrika gesê.
Hy het verwys na 44 terreine wat gekies is waar agriparke vir arm mense ontwikkel gaan word en gesê boere sal deel wees van dié program.
“Ek weet boere moet soms moeilike besluite neem,” sê Zokwana, wat sy vakansie in die Oos-Kaap onderbreek het om by die konferensie te praat. “Ons is jul vriende, nie jul vyande nie. Jul sukses is ons sukses.”
UITVOER
Hy het gesê Suid- Afrika se lidmaatskap van Brics skep nuwe uitvoergeleenthede.
’ n Memorandum van verstandhouding wat tussen China en Suid-Afrika gesluit is, kan dit moontlik maak om mielies en appels van Suid-Afrika na China uit te voer.
Die Chinese stel volgens Zokwana ook daarin belang om bees- en wildsvleis uit Suid-Afrika in te voer.
Verder stel Rusland belang om produkte uit Suid-Afrika in te voer, maar sanitêre en fitosanitêre maatreëls neem nou eers tyd in beslag voor dit kan gebeur.