VLEISBEESSKOOL SKEP GELEENTHEDE VIR BEESBOERE

’ N BYEENKOMS, soos die Aldam-vleisbeesskool, is ’n sleutelgeleentheid vir boere om nuwe inligting te bekom en te leer hoe om nuwe tegnologie te gebruik om die probleme van die toekoms te bowe te kom. Só sê prof. Bob Weaber, assosiaat-professor van die departement dierewetenskappe aan die Universiteit van Kansas in Amerika.

Hy is een van die internasionale sprekers op vanjaar se Vleisbeesskool wat van 14- 16 Oktober deur Landbouweekblad, Breedplan en die Lewendehawe Registrerende Federasie ( LRF) by die Aldam- vakansie- oord naby Winburg aangebied word.

Weaber sê dit verg volgehoue verbetering en die verkryging van kennis om ’n winsgewende, volhoubare landboubesigheid op te bou. Die Vleisbeesskool bied ’ n forum waar die boer nuwe konsepte kan evalueer om dit in sy sakemodel in te sluit.

Boere sal huis toe gaan met ’n beter begrip van die lewendehawebedryf, asook verskeie strategieë wat hulle kan toepas.

ONDERWERPE

Die program bied ’n wye verskeidenheid onderwerpe aan onder die hooftema van vleis en reproduksie. Dit sal waarde bied vir almal – van die beginnerboer tot die ervare beesboer.

Dit bring boere met groot ervaring en kundige akademici bymekaar om kommunikasienetwerke op te bou.

Dit kos R7 200 om die byeenkoms by te woon, wat drie nagte se verblyf, alle etes, lesings en ’n uitstappie na Sparta se vleisverwerkingsaanleg op Kroonstad insluit.

Daar is net plek vir 150 mense. Die inskryfvorms is op www. stockmanschool.co.za en www. landbou.com, of bel Charmaine

051 821 1783, of palberts@telkomsa.net.

Alberts, tel. e-pos: