VERLIESE GROOT BY GROOT- ÉN KLEINVEE
KLEINVEEBOERE verloor na raming jaarliks R1,4 miljard weens roofdiere. ’n Nuwe navorsingsprojek bewys egter dat verliese onder grootvee weens roofdiere ook tot groot finansiële verliese lei.
Daarin is bevind dat die omvang en impak van roofdiere in Suid-Afrika ’n doelgerigte en gekoördineerde bestuurs- en navorsingsprogram vereis om die verliese weens roofdiere te verminder.
Die projek, wat deur die nasionale organisasie vir rooivleisnavorsing en -ontwikkeling (RMRDSA) gefinansier is, is deur mnr. Coenraad Badenhorst van die Universiteit van die Vrystaat as studieverhandeling onderneem. Hy het die ekonomiese koste van grootveeverliese weens roofdiere in Noordwes ondersoek.
Wanneer daar van probleemdiere gepraat word, is die rooijakkals en die rooikat die vernaamste sondaars. Die rooijakkals ( Canis mesomelas) en rooikat ( Caracal caracal) is belangrike middelslag-probleemdiere wat deel is van die Suid-Afrikaanse wildlewe, maar hulle het ’n ongunstige impak op die veebedryf in Suid-Afrika – veral op kleinvee, soos skape en bokke. Dié twee roofdiere, asook die strandwolf ( Parahyaena brunnea), die jagluiperd ( Acinonyx jubatus), honde ( Canis familiaris) en die luiperd ( Panthera pardus) is verantwoordelik vir verliese van klein- en grootvee in verskeie provinsies.
Die studie het spesifiek oor verliese van beeste weens roofdiere in Suid-Afrika gehandel. ’n Studiegroep van 1 500 beesboere is tussen provinsies verdeel in verhouding tot die provinsiale beesgetalle as persentasie van die nasionale beeskudde.
Die Wes-Kaap en Gauteng het nie aan die studie deelgeneem nie.
’n Vraelys is gebruik om ’n tele-
HIERDIE BLAD IS DEUR DIE ROOIVLEISPRODUSENTE-ORGANISASIE GEBORG.
BERIGTE IS DEUR DIE RPO GESKRYF EN VERSKAF. RIG NAVRAE AAN DIE RPO BY E-POS: rpo@lantic.net. WEBWERF: www.rpo.co.za.
HOOFFOTO: BKB se vroeëre betaalstelsel-probleem is opgelos met die eWallet Pro van FNB. Dit gee die duisende kommunale boere en skeerders op sy boeke via ’n kaart of ’n selfoon onmiddellike toegang tot geld. FOTO: HEATHER DUGMORE
Mnr. Isak Staats
LINKS: Mnr. Eddie Prinsloo van Heuningkrans-Merino’s by Smithfield met een van sy Dormer-ramme wat vir sy Augustus-veiling voorberei word. Die ram is met die nuwe kam geskeer wat BKB onlangs uit China ingevoer het. BO: Die twee kamme van naderby beskou. Die tande van die nuwe kam (links) is nouer en raak nie in die slypproses so skerp soos die een regs nie.