Biotegnologie gee deurslag in droogtejaar
Danksy die betroubare kultivars van Pannar en die deursettingsvermoë en boerderypraktyke van mnr. Ben Snyman en sy dogter, Lindie, lyk die mielies op die plaas Geyerspan by Koster vanjaar besonder goed.
Hulle het PAN 6Q-408CB, een van Pannar se staatmakers in dié geweste, beproef en die resultaat blyk vanjaar baie goed te wees vergeleke met die gemiddelde oeste in die omgewing. PAN 6Q-408CB is ’n sterk meerkoppige mediumgroeier.
Ben boer saam met sy dogter, Lindie (20), naby Grootpan. Hulle bedryf die afgelope paar jaar saam dié familieboerdery. Op Geyerspan doen die gesin al die werk op die lande en daarom is dit belangrik dat elke uur se arbeid die maksimum produksie oplewer.
“My grootste doelwit is om die maksimum te produseer op die minimum grond,” sê Ben. “Ek het van die begin af vertroue in Pannar. Dié vertroue is nog nie geskaad nie en die hoeveelheid navorsing wat die maatskappy doen – ook op ons plaas – gee my baie hoop op verdere toekomstige samewerking. Die produk verkoop homself.”
Benewens hul gesaaides het Lindie haar eie skaapkudde vir vleisproduksie. Dit bestaan grootliks uit SA Vleismerino’s, wat ook gekruis word met Letelle- en Ile de Franceteelmateriaal. Lindie bestuur saam met haar ma, Yolanda, en haar suster, Chantelle, die kudde van sowat 300 ooie en ’ n hand vol teelramme. Ben bedryf ook ’n vervoeronderneming naas sy boerderybelange.
Lindie is verantwoordelik vir die plant en bewerking van die P3-proewe van Pannar.
Die Snymans plant die meerkoppige PAN 6Q-408CB saam met PAN 6616 (as toevlug) teen ’n plantestand van 23 000 plante per hektaar op ’ n rywydte van 76 cm. Die sowat 150 ha droëlande is voorheen uitverhuur. Dit is die derde jaar dat Ben-hulle saam met Pannar ’n wenpad stap.
“Ek het vanaf die eerste jaar Pannar se saad gebruik en dit het nog net baie goeie opbrengste opgelewer. Hierdie kultivar val in die mediumgroeiklas en dit werk goed in ons omgewing. Die vinnige groeiers het op ’ n sekere tyd reën nodig. Vanjaar het ons byvoorbeeld ’ n jaar met ondergemiddelde reënval gehad. Die keuse vir ’n meerkoppige mediumgroeier was dus die regte besluit.”
Die Snymans spits hulle toe op goeie saad-
Om vanjaar op droëland in die Koster-omgewing in Noordwes ’n winsgewende mielie-oes af te haal, wil gedoen wees.