Winterslaai met spek en spinasie
Lensies en bone pas goed by rokerige smake, daarom is hierdie slaai met bros spekvleis en avokado altyd ’n treffer. Die lensies moet louwarm wees as jy die slaaisous daardeur roer, dan absorbeer dit die mosterdgeure op sy beste.
Slaaisous
45 ml rooiwynasyn 10 ml Dijonmosterd Halwe ui, gerasper 5 ml heuning 100 ml olyfolie Skeut vars suurlemoensap Sout en vars gemaalde swartpeper na smaak
Slaai
2-3 groot hande vol babaspinasieblare, goed gewas en droog gedruk 750 ml louwarm gaar bruinlensies, gegeur met sout en peper Halwe pak (125 g) repiespek, gerooster tot bros 1 wiel fetakaas, in dun skyfies gesny 2 ryp avokado’s, geskil en in dun wiggies gesny 4 saggebakte eiers
Klits al die bestanddele vir die slaaisous saam en hou eenkant. Sit die helfte van die spinasieblare op ’ n dienbord of in ’ n slaaibak. Meng die helfte van die slaaisous met die louwarm lensies en skep op die spinasieblare. Sprinkel die helfte van die orige spinasieblare op die lensies. Skep die res van die slaaibestanddele bo-op, die eiers heel bo. Sprinkel die res van die spinasieblare oor. Skep die slaaisous oor alles en sit dadelik voor. Lewer 4 porsies. 1 ui, in dun wiggies gesny 30 ml olyfolie 2 knoffelhuisies, fyngedruk 3 repe spekvleis, fyn gesnipper 5 ml paprika 250 ml rooiwyn 1 blik (410 g) gekapte tamaties 250 ml gaar rooi nierboontjies OF 1 blik (410 g) rooi nierboontjies, gedreineer Sout, vars gemaalde swartpeper en ’n knippie suiker 6 hoenderdye 1 rolletjie (100 g) bokmelkkaas, in skyfies gesny
Voorverhit die oond tot 180 ˚C. Braai die ui in die olie tot sag. Voeg die knoffel en spekvleis by en braai tot gaar. Voeg die paprika by en braai ’ n paar sekondes. Voeg die rooiwyn, gekapte tamaties en rooi nierboontjies by en verhit tot kookpunt. Prut vir ongeveer 10 minute en geur na smaak met sout, vars gemaalde swartpeper en ’n knippie suiker. Skep die sous in ’ n oondbak en pak die hoender in die sous. Geur die hoender boop met sout en peper en pak ’n paar skyfies bokmelkkaas op elke porsies hoender. Bedruip die hoenderporsies met van die dunner tamatierige sous onder uit die bak en bak vir 1 uur, of tot die hoender baie sag is. (As die kaas te donker begin bak, bedek die bak met foelie.) Sit voor op rys, polenta, krummelpap of koeskoes. Lewer 6 porsies.