Voermenger kan rantsoen maak of breek
Die aanbod van voermengers is groot. Boere het dus die keuse tussen statiese mengers, voermengers wat agter ’n trekker gesleep word, en deesdae selfs voermengers met hul eie aandrywing en stuurkajuit. Daar is horisontale en vertikale, grootmaat en kleinvragvoermengers.
Die tegnologie kan aansienlik tussen modelle verskil. Só kan ’ n voermenger met ’ n skaal toegerus word om die bestanddele af te weeg. Spoedreguleerders vir snylemme van duursame staalallooie sny voerbronne tot die korrekte vesellengte. Dit kan groot volumes kuilvoer, kragvoer en selfs heel hooibale in ’n japtrap meng. Wees ook op die uitkyk vir voermengers wat besoedeling met metaal hokslaan met die hulp van ’n magneetstrook wat metaal, soos draad, uit die voer sal pluk.
OORWEEG DIE OPSIES
Die belangrikste is egter die betroubare werking van die voermenger, sy kostedoeltreffendheid en die gehalte van die eindproduk.
Mnr. Grant Roest van Radium Engineering is nie net ’n sakeman met ’n graad in rekeningkunde nie, maar hy is ook ’n veearts wat in grootveeherkouers gespesialiseer het. Hy het eers aan die Hoër Landbouskool Weston in KwaZuluNatal en daarna aan die Texas Techuniversiteit in Amerika gestudeer.
As deel van die bestuurspan by Radium is hy baie gesteld daarop dat hulle net die beste toerusting aan boere verskaf.
“Ons Matrixvoermengers het ’n geskiedenis wat by die Giliolivoermengers begin. Jy kry geen sterker masjien wat die taak beter kan afhandel nie,” sê Grant, wat veral glo die klem moet wees op snylengte en hóé die lem die voervesel opsny. “Die korrekte rumenstimulasie is belangrik en jy kry die sogenoemde ‘scratch effect’. Dit bevorder vertering by beeste. By melkkoeie gaan goeie vertering, gesondheid en beter melkproduksie hand aan hand.”
Sy aanbeveling is ook dat melkboere meer 1. ’n Goed gemengde rantsoen dra by tot rumengesondheid, beter voerinname en hoër melkproduksie. Die gehalte en werking van ’n voermenger speel daarom ’n groot rol in voeromsetdoeltreffendheid.
2. Bepaal jou behoeftes en praat met ’n kenner vóór jy besluit op ’n voermenger met vertikale of horisontale awegare.
Intensiewe melkproduksie vereis dat voer aan melkkuddes beskikbaar is. In ’n tipiese volvoerstelsel is dit ondenkbaar om dié taak sonder ’n betroubare voermenger aan te pak.