KOSTEBESPARINGS VIR OMGEWINGSVRIENDELIKE TREKKER
NEW HOLLAND se nuwe tweede-generasie metaangas-aangedrewe trekker, die T6 Methane Power, is naby Turyn in Italië bekend gestel.
Die ontwikkeling van dié soort trekkers is belangrik vir boere omdat dit nie net meer omgewingsvriendelik is nie, maar omdat dit verskeie besparings vir boere in die hand werk.
Die tweede generasie T6 Methane Power is geskoei op New Holland se T6.175 trekker, maar klop die diesel-aangedrewe model op ’ n aantal terreine. Die New Holland T6.175- trekker lewer ’ n maksimum 129 kW teen 1 800 r/min. Boonop is die trekker se maksimum wringkrag 726 N.m teen 1 500 r/min.
Die T6 Methane Power is toegerus met Iveco se NEF ses-silinder enjin met ’ n kraglewering van 132 kW teen 1800 r/min. en ’n wringkrag van 740 N.m teen 1500 r/ min.. Nege gastenks is aan die sykante en agter die kajuit van die T6 Methane Power aangebring om 300 liter (of 52 kg) saamgeperste metaangas aan die enjin te verskaf. Dit is gelykstaande aan ’ n dieseltenk van sowat 60 liter en stel die trekker in staat om ’n halwe dag lank op ’n vol lading gas te werk.
In Europa bied die T6 Methane Power ’n brandstofbesparing van 20% tot 40%. Vulstasies bied diesel teen €1,40 per liter, terwyl die nasionale verspreidingsnetwerk vir metaangas € 0.98/ kg kos.
Terselfdertyd verkry Europese boere ook ’n afslag vir landbou- diesel en beloop die koste van diesel €0,80 per liter, terwyl die nasionale metaangasverspreidingsnetwerk metaangas wat vir landboudoeleindes aangewend word teen €0,50 per kilogram aan boere verskaf.
Op die plaas La Belotta (waar die nuwe trekker bekend gestel is) word bio-metaangas self vervaardig. Daar is die besparings selfs meer, met bio- metaangas wat sowat €0,40/kg kos. In die geval van bio- metaangas word subsidies vir elektrisiteitsopwekking egter ook in berekening gebring om die brandstofkoste te verlaag. ’n Bykomende voordeel van die T6 Methane Power is die trekker se lae besoedelingsvlakke wat bykans 80% minder is vergeleke diesel- aangedrewe trekkermodelle.
Mnr. Jaco du Preez, hoofverkoopsbestuurder van New Holland Suid-Afrika, meen dat metaangas-aangedrewe trekkermodelle nie in die afsienbare toe- koms na Suid-Afrika sal kom nie. “Tans is die metaangas-modelle, asook ’n waterstofsel-aangedrewe model, waarvan daar nog net twee gebou is, nog in die toetsfase. Daar sal dus nog heelwat navorsing gedoen moet word om die haalbaarheid van dié soort trekkers in Suid-Afrikaanse omstandighede te bepaal,” sê hy.
– GERRIT BEZUIDENHOUT
BETER doeltreffendheid en wins met beesboerdery is die tema van ’n boeredag wat op 6 Augustus op die plaas Neu-Otjisauona van die Metzger- gesin van Seeis in Namibië gehou word.
Mnr. Diethelm Metzger ( BO) wat saam met sy vrou, Katja, en hul seun, Nikolai, en dié se vrou, Nicola, met beeste en wild boer, is in 2013 as Landbouweekblad en Breedplan se Suider- Afrikaanse Stoetteler van die Jaar bekroon.
Mnr. Ryan Petersen, verkoopsbestuurder van die Leachman Cattle Company i n Colorado, Amerika, gaan praat oor wat moderne telers van elite-teeldiere doen om kommersiële beesboere te help om groter wins te toon. Hy gaan ook oor bulseleksie en versontwikkeling en -seleksie praat en ’n praktiese demonstrasie hou.
Prof. Frikkie Neser, dieregenetikus van die Universiteit van die Vrystaat, sal oor die ekonomie van genetiese verbetering gesels.
Mnr. Kobus Bester, voorsitter van Suid-Afrika se SimmentalerSimbra- telersgenootskap, gaan die boere inlig oor wat hulle doen om die Sim- rasse se teelmateriaal t e verbeter s odat kommersiële telers hul wins kan verhoog.
Metzger sal sy Kamab-stoetery se teelbeleid verduidelik.
– CHARL VAN ROOYEN