Agoa bied geleenthede vir groter uitvoer
SUID-AFRIKAANSE produsente moet die geleenthede aangryp wat die verlengde Amerikaanse wet op groei en geleenthede ( Agoa) bied. Só sê mnr. Matthew Conroy (FOTO), handelsbestuurder van Maersk Line in Suider-Afrika, wat deel is van die internasionale verskepingsgroep Maersk.
Luidens die Amerikaanse Withuis se webblad het pres. Barack Obama die Amerikaanse wet op handelsvoorkeure en - uitbreiding, wat Agoa insluit, onderte- ken. Dit volg kort nadat die Amerikaanse kongres dit goedgekeur het.
Di e Wi t h u i s beskryf Agoa as a katalisator vir die groeiende vennootskap tussen Afrika en Amerika en sê dit bied t asbare ekonomiese voordele en noodsaaklike ekonomiese geleenthede vir Afrika suid van die Sahara en Amerika.
“Suid-Afrika het verskeie puik produkte. Ek dink nie Amerika weet hoe goed dit regtig is nie. Wat moet gebeur, is dat verkopers en kopers bymekaar moet uitkom,” sê Conroy, wat Amerika minstens een keer per jaar besoek. Vir die landbou is daar volgens hom reuse-geleenthede om wyn- en sitrusuitvoer verder uit te brei. “Amerikaners drink baie wyn en hulle eet baie sitrusvrugte. Met my laaste paar besoeke het ek al meer Suid- Afrikaanse wyn op Amerikaanse winkelrakke gesien.”
BELEGGING
Die huidige Agoa het in 2000 in werking getree en sou einde September verval het.
Die nuwe Agoa duur tot 30 September 2025, wat volgens die Withuis aan beleggers en Amerikaanse ondernemings die sekerheid bied wat hulle nodig het om Afrika as ’n bestemming vir belegging en ’n bron vir hul aankope te oorweeg.
Conroy sê dié sekerheid sal sakevertroue en daarom beleggings in Suid-Afrika bevorder.
In die landbou verwag hy dat dit Suid-Afrikaners sal wees wat nou opnuut sal kyk na belegging en uitbreiding in die sektor, terwyl buitelanders danksy die verlengde Agoa weer na belegging in die Suid-Afrikaanse motorbedryf kan kyk.
Conroy sê een van die groot voordele van Agoa is dat dit die uitvoer van Suid-Afrikaans vervaardigde goedere na Amerika bevorder, terwyl Suid-Afrika se uitvoer na Asië meer onverwerkte materiaal behels.
Die vervaardigingsektor dra by tot groter werkskepping en ’n hoër bruto binnelandse produk.
– CARIEN KRUGER
Die Sondagsrivier Sitruskoöperasie (SRCC) het ondanks gure weer op 9 Julie die eerste sooi gespit van ’n nuwe pakhuis wat by Kirkwood opgerig gaan word. Van links is mnre. Gerhard Potgieter van GPB Consulting, Joe Cooper van Dekon Projects, Greg Jones, ingenieur en projekbestuurder van die SRCC, Chris Smit van Aquila Trading, Hannes Loots van Sigma Consulting, Hannes de Waal, besturende direkteur van die SRCC, Ginkel Venter van Uitenhage Super Steel, Paul Marais, voorsitter van die SRCC, Peter Smith, ingenieur by die SRCC, Chris Curtiss van Aquila Trading, Russel Stead, pakhuisbestuurder, Hannes Van Zyl van Dekon Projects, Jaco Spies van JJ Spies Siviele Ingenieurs en John Perold, bedryfsbestuurder by die SRCC. FOTO: VERSKAF