UITVOER VAN VARS VOLSTRUISVLEIS DALK GOU WEER WERKLIKHEID
VARS volstruisvleis het sedert 1998 groot byval in die Europese mark begin vind. Gevolglik het die uitvoer van vars volstruisvleis na die Europese Unie (EU) die belangrikste bron van inkomste vir die Suid-Afrikaanse volstruisbedryf geword.
In 2011 het die uitbreking van voëlgriep egter tot groot verliese in die bedryf gelei. Dit het die Suid-Afrikaanse volstruisgetalle skerp laat daal.
’n Verbod op die uitvoer van vars volstruisvleis na die EU het die aanbod uit Suid-Afrika na die EU tot stilstand gedwing.
Tydens die verbod het die Suid- Afrikaanse bedryf aangepas. Die uitvoer van volstruisvleis wat met hitte behandel is (’n veiliger produk vir verbruikers van die EU), is stelselmatig in die EU se kettingwinkelgroepe gevestig.
Die aanvaarding van dié behandelde produk het ’ n groot bemarkingspoging vereis. Die uitvoermark vir sulke volstruisvleis het stadig uitgebrei.
Die plaaslike bedryf het stelselmatig van die uitbreking se ongunsti g e ui t - werking herstel.
Die slagsyfer het byvoorbeeld vanaf 120 000 volstruise tot 180 000 volstruise in die laaste jaar gestyg.
Die bedryf het intussen beheermaatreëls i ngestel wat die naspoorbaarheid van volstruisprodukte verhoog. Gevolglik kan die verbod op die uitvoer van vars volstruisvleis na die EU binnekort opgehef word. Die uitvoer daarvan kan al in September vanjaar weer begin.
Die uitvoermark vir vleis wat met hitte behandel is, is egter goed in die EU gevestig. Die uitvoervraag na sulke vleis het ook begin toeneem. Dit sal mettertyd duidelik word watter impak (indien enige) die uitvoer van vars volstruisvleis op die gevestigde mark gaan hê.
Netwerk24 berig dat dit lyk asof die jongste voorvalle van die H5N2-virus ( voëlgriep) in die Wes-Kaap nie ’n invloed op die besluit van die EU sal hê om weer vars volstruisvleis op winkelrakke in die buiteland toe te laat nie.
Kommer het ontstaan nadat voëlgriep op twee plase in Kannaland ( Calitzdorp) en twee plase in die Hessekwa (Langeberg-gebied) uitgebreek het.
Mnr. Piet Kleyn, hoof van die Volstruis-sakekamer, het bevestig dat voorvalle van voëlgriep gevind is.
Hy het benadruk dit is ’n lae patogeen-virus. Dit beteken dit sal nie pluimvee siek maak nie. Vier plase in die Wes- Kaap is onder kwarantyn. Sowat 1 000 volstruise word geraak.
– WESSEL LEMMER (FOTO), SENIOR EKONOOM BY ABSA AGRIBESIGHEID
Internasionaal: Die prys van mielies het met 2,5%, oftewel $4,17/t (R51,64/t), gestyg tot $168,81/t (R2 090/t). Op ’n jaargrondslag is dit 1 1,6%, oftewel $17,53/t (R217,09/t), hoër. Verwagte pryse: Augustus – $162,59/t (R2 014/t), September – $166,92/t (R2 067/t), Desember – $170,86/t (R2 1 16/t). Plaaslik: Die Safex-prys vir wit mielies het met 2,2%, oftewel R73/t, gedaal tot R3 202/t. Geel mielies het met 0,4%, oftewel R1 1/t, gedaal tot R2 839/t. Op ’n jaargrondslag is dit 88,4%, oftewel R1 502/t, hoër vir wit mielies, terwyl geel mielies 59,8%, oftewel R1 062/t, hoër is as in die ooreenstemmende tyd verlede jaar. Internasionaal: Die gemiddelde prys van koring het met 0,6%, oftewel $1,29/t (R15,98/t), gedaal tot $21 1,66/t (R2 621/t). Op ’n jaargrondslag is dit 7,1%, oftewel $13,95/t (R172,76/t), hoër. Verwagte pryse: Augustus – $199,59/t (R2 472/t), September – $202,97/t (R2 514/t), Desember – $206,35/t (R2 555/t), Maart – $208,19/t (R2 578/t). Plaaslik: Die Safex-prys vir koring het met 0,4%, oftewel R15/t, gedaal tot R3 940/t. Op ’n jaargrondslag is dit 6,6%, oftewel R245/t, hoër. Verwagte pryse: Augustus – R3 918/t, September – R3 960/t, Desember – R3 899/t, Maart – R3 952/t. Die Safex-prys vir sorghum het met 1,6%, oftewel R50/t, gedaal tot R3 000/t. Op ’n jaargrondslag is dit 22,4%, oftewel R550/t, hoër. Verwagte pryse: Augustus – R3 100/t, September – R3 000/t, Desember – R2 900/t. Die Safex-prys vir sonneblomsaad het met 1,1%, oftewel R62/t, gestyg tot R5 470/t. Op ’n jaargrondslag is dit 19,7%, oftewel R900/t, hoër. Verwagte pryse: Augustus – R5 481/t, September – R5 550/t, Desember – R5 570/t, Maart – R5 198/t. Die internasionale prys van sonneblomsaad was teen $430/t (R5 325/t) onveranderd. Op ’n jaargrondslag is dit 1,2%, oftewel $5/t, hoër. Internasionaal: Die gemiddelde prys van sojabone het met 6,6%, oftewel $23,45/t (R290,40/t), gestyg tot $380,04/t (R4 706/t). Op ’n jaargrondslag is dit 15,7%, oftewel $70,63/t (R874,68/t), laer. Verwagte pryse: Augustus – $368,61/t (R4 565/t), September – $364,94/t (R4 519/t), November – $365,01/t (R4520/t), Januarie – $367,22/t (R4 548/t). Plaaslik: Die Safex-prys van sojabone het met 0,4%, oftewel R20/t, gestyg tot R4 900/t. Op ’n jaargrondslag is dit 3,3%, oftewel R168/t, laer. Verwagte pryse: Augustus – R4 962/t, September – R4 965/t, Desember – R5 050/t, Maart – R5 090/t.
Die verslae van prysneigings is van Agrimark Tendense (AMT) ontvang. Let daarop dat 17/ 7/2015 se vleispryse voorlopig is. As besturende direkteur van Aginfo, handeldrywend as AMT, koördineer prof.