SPEENKALWERS

Die prys van speenkalwers het in die week van 17 Julie verbeter weens ’n tekort in die aanbod. Dit het op 22 Julie teen gemiddeld R20,34/kg (lewend) verhandel.

Klas A-beesvleis het egter met 4,58% tot R32,27/kg (aan die haak) gedaal, terwyl klas C met 6,14% tot R28,70/kg gestyg het.

Luidens Absa se jongste Agri Trends-verslag sal internasionale vleispryse goed bly en ondersteun word deur die feit dat boere in Australië en Nieu-Seeland hul kuddes bou. Plaaslik is die verwag- ting dat pryse sywaarts sal beweeg weens die goeie aanbod. Dit is omdat goeie reën vanaf Augustus tot einde Oktober in die belangrikste produksiegebiede verwag word.

SKAAPPRYSE

Luidens die verslag het die prys van skaapvleis (klas A) ook effens hoër verhandel teen R49,79/kg. Klas C is teen gemiddeld R40/kg verkoop. Die gemiddelde prys van Dorpervelle was onveranderd op R96 per vel en Merinovelle se prys was R70 stuk.

Min verandering word op kort termyn in die prys van skaapvleis verwag.

INTERNASIONAAL

Die internasionale prys vir beeste wat in voerkrale afgerond word, het op Chicago se beurs met 1% tot 145,35 Amerikaanse sent per pond gedaal. Dit is die laagste vlak die afgelope 13 maande.

Luidens die webwerf Agrimoney is die belangrikste rede die sterk Amerikaanse dollar wat die uitvoer van Amerikaanse beesvleis minder aantreklik maak.

– THEUNS BOTHA

ook rektor van die Potchefstroom- kampus van die Noordwes-Universiteit, ’n groep toegewyde individue wat daarna streef om gereeld betroubare markinligting aan bestaande en potensiële kliënte te verskaf.