VOLVERSINKING HOU BLINK KANT BO
MET die ontwikkeling van verskillende nywerhede gaan die erge korrosie van veral draadomheinings ál meer toeneem. Daarom beveel mnr. Aldon Prinsloo, direkteur van Chemvet, aan dat boere eerder volversinkte draad vir hul omheiningsbehoeftes gebruik. “Dit beteken dat jy ’n onverwerkte staalproduk neem wat deur ’n sinkbad gaan wat ’n beskermingslaag aan die draad verleen. Na gelang van die graad van die sinklaag op die produk, word gepraat van ’n lig- of volversinkte draad,” verduidelik hy.
Die spesifikasie vir die ligversinkte draad is 40 g sink per vierkante meter, terwyl dié van ‘n volversinkte staaldraad 240 g sink per vierkante meter is. “Sink verweer teen dieselfde tempo, ongeag die sinklaagdikte. As jy dus ’n sinkkomponent van 240 g/m2 op die draad het, het jy ’n omheining wat jou ses keer langer gaan hou,” sê Prinsloo. Die gebied waar die draad gebruik word, speel ook ’n rol. “Dié wat naby hoë nywerheidsgebiede boer, sal dus hul omheinings meer dikwels moet vervang.”
“Daar is nie ’n vaste persentasie in die sinkkomponentverskil tussen lig- en volversinkte draad nie omdat dit wissel tussen produkte en volumes van produkte wat vervaardig word. ’n Mens kan egter werk op ’n praktiese riglyn van sowat 16%. Jy kan dus sowat 16% meer betaal vir ’n produk, maar 600% meer gebruiksduur daaruit verkry. Volgens Chemvet se data gebruik sy klante eerder volversinkte draad vir hul omheinings.” —
GERRIT BEZUIDENHOUT
GLENSIDE (2035), 507 ha; en HONEY GROVE (1356), 54 ha; aan Honey Glen-familietrust, van R.T. Klipp, R25 418 450. GREEFSLAAGTE (33), 429 ha, aan Voorspoed-trust, van M.E. Berger, R7 000 000.
ZEERUST
BUFFELSHOEK (301), 901 ha; en WITKOP (302), 1 612 ha; aan Huyserfamilietrust, van Witkop Fluorspar-myn (Edms.) Bpk., R18 046 303. ROSMINCOL (442), 1 373 ha, aan die Republiek van SuidAfrika, van A. Prinsloo, R13 250 000. KLEINE ZOUTE RIVIER (1063), 40 ha, aan Vendivax (Edms.) Bpk., van A. en H.J. Scholtz, R6 000 000.
MALMESBURY
KLEINEVALLEY (480), 413 ha, aan Malkopvlei-trust, van Kriekbult-trust, R14 000 000.
Die hoogste prys vir ’n SA Vleismerinoram op die sesde produksieveiling van Bosch Valley Farms, Memel, was R16 000 vir ram 4030 RDV. Die verkoper was mnre. Philip, Willem en Thys Botha en die koper mnr. Neels Rautenbach van die Praxos-boerdery, Standerton. By die ram is mnre. Philip Botha, Frik Verster, afslaer, Willem en Thys Botha. Altesame 40 ramme is teen gemiddeld R7 513 stuk verkoop. BKB Van Wyk het die veiling aangebied. Die hoogste prys op die 12de produksieveiling van me. Alta (links) en mnr. Cornie van den Heever (naaslinks) se SAVM-stoetery Coralta, Schweizer-Reneke, was R30 000 vir dié ram, nr. 3130 COR. Die Van den Heevers is bekendes op skoue en talle van hul ramme is al met groot vrug deur ander stoettelers en kuddeboere in hul Vleismerinokuddes asook vir kruisteling gebruik. Me. Elsa Goosen (naasregs) van die stoetery Waterpas, Hertzogville, het die ram gekoop. Mnr. Johannes Sejalemotho is die hanteerder. Altesame 52 ramme is teen gemiddeld R7 798 stuk verkoop. BKB Louwid Kroonstad het die veiling aangebied en mnr. Jan Mostert was die afslaer.
Ask the Experts – Vets’ advice to farmers is ’n nuttige A5-grootte handleiding met bydraes deur veeartse. Meer as 100 vrae deur lesers is deur dr. Danie Odendaal (grootvee), prof. Gareth Bath (kleinvee), dr. Mary-Louise Penrith (varke) en dr. Mick Versfeld (varke) beantwoord en in dié nuttige boekie saamgevat.
(BTW, verpakking en posgeld ingesluit.)