MOENIE ALLE WATERWYSERS AFSKIET
Ek het ook nou die boereblog “Waterwysers, boorgate en geloof” deur Monty Swart
8 September 2014) oor die waterwyser met sy olienhoutmikstokkie in die Klein-Karoo gelees.
Die storie laat dit blyk dat waterwys nie geloofwaardig is nie.
Ek het hier in 1982 agtergekom ek is ook met die gawe van waterwys geseën.
Sommige mense kan net breuke optel. Dit gebeur dan dat die mens deurmekaar raak met die spasies tussen breuke en die breuk self. Baie gate word tussen breuke geboor – natuurlik droog of met net syferwater.
As jy water kan wys, sal die gat in die middel van die breuk geboor word en jy sal water kry. Water word al duisende jare lank so gevind.
Gaan lees gerus oor die 5 000 jaar oue waterskema in Oman. Daardie water is seer sekerlik sonder elekroniese toerusting gevind.
Putte is gegrawe en ondergronds met tonnels aan mekaar verbind.
Die skema voorsien ’n hele stad van water.
Gelukkig kan ek die middel van ’n breuk vind en bepaal of daar water is. Die diepte kan ook taamlik akkuraat bepaal word. THEUNS BAIRD In die nuusbrokkie “Kunsmis-moles” (LBW, 4 November, bl. 4), is verkeerdelik verwys na, enersyds, ’n ondersoek deur die Mededingingskommissie na beweerde samespanning in die kunsmisbedryf en, andersyds, beweerde gebeure by jaarvergaderings van die Kunsmisvereniging van Suider-Afrika (Fertasa). Die kommissie se ondersoek is nie op kunsmisvervaardigers in die algemeen gerig nie, maar slegs op vyf maatskappye wat vervaardigers/ groothandelaars/verspreiders van landboukalk is. Die kommissie se klagteverwysing handel verder oor die Misstofvereniging van Suid-Afrika (MVSA), en nie die Misstofvereniging van Suider-Afrika (Fertasa) nie. Hoewel die MVSA as ’n respondent in die klagstaat genoem word, het die Mededingingskommissie reeds beslis dat die MVSA nie medepligtig is nie.
Landbouweekblad korrigeer graag onjuisthede in artikels en nuusberigte. Stuur inligting oor regstellings so gou moontlik ná die publikasiedatum en verkieslik skriftelik aan Izak Malherbe, Landbouweekblad, Posbus 1802, Kaapstad 8000; e-pos:
faks tel. Verskaf ook u telefoon- of selnommer.