| Katastrofe met Karibaoppad?

Die wal van die Karibadam op die grens tussen Zambië en Zimbabwe kan binne die volgende drie jaar ineenstort as dringende herstelwerk nie gedoen word nie, luidens ’n verslag van die Instituut vir Risikobestuur Suid-Afrika (IRMSA) en die konsultantefirma AON. Dié dam is Zambië en Zimbabwe se hoofbron van elektrisiteit.

Sedert die dam in 1959 in gebruik geneem is, het water uit die sluise ’n poel van 90 m diep voor die damwal weggekalwe. Dié poel is nou ’n skamele 30 m van die wal se fondamente af. Sedert die 1990’s word net drie van die dam se ses sluise gebruik ten einde erosie te verminder.

Afgesien van die katastrofiese verlies aan mense- en dierelewens en skade aan die omgewing sal 40% van Suider-Afrika se elektrisiteitsopwekkingsvermoë daarmee heen wees sonder Kariba. Die skielike vloed sal waarskynlik ook die Cahora Bassa-dam vernietig, wat tans 1 500 megawatt vir SuidAfrika opwek. –

2 Hy waarsku egter dat boere oopkop sal moet wees en hulself moet staal vir mededinging uit allerhande nuwe oorde vir honger wêreldmarkte. “Wees versigtig om horisontaal uit te brei. Jy sal moet meeding teen tegnologie wat dit moontlik maak om tonne vleis in laboratoriumtoestande te kweek en hamburgers uit vlieglarwes te vervaardig. Sonneblomolie kan nou van bakterieë gekweek word.

“Boere sal die waarde en eienskappe van hul produkte beter moet bemark. Supermarkte soos ons dit ken, gaan in die toekoms nie meer bestaan nie. As boere slim is, gaan hulle sosiale netwerke, soos UberFresh, begin ge-