’n Splinternuwe toevoeging tot Turnerland se bekende aartappel- en uietoerusting beloof om die plaaslike aartappelbedryf te laat regop sit.
Turnerland, die plaaslike vervaardiger van aartappeluithalers, se nuwe TL 8520SH is ten volle plaaslik ontwikkel en word ook in SuidAfrika vervaardig. Omdat ingevoerde uithalers van 25% goedkoper staal vervaardig word, is dit ’n uitdaging om ’n aartappeluithaler te vervaardig wat nie net kan meeding nie, maar ook kostedoeltreffender vir plaaslike boere is.
Die TL 8520SH is ’n mylpaal vir Turnerland en is ’n verbetering van die bekende TL 650model. Die nuwe uithaler beloof om veral die werk van boere in die Sandveld makliker te maak. Die masjien is toegerus met hidrostatiese aandrywing en kan aartappels maklik teen ’n skuinste van 2530 grade uithaal. Boere kan ’n 4x4trekker wat 6075 kW lewer, gebruik teenoor ander uithalers wat ’n trekker van 135 kW vereis. ’n Kleiner trekker is goedkoper as sy grootboet en daarom kan boere ’n trekker makliker vervang.
Nog ’n bonus is die brandstofbesparing. Die masjien bevat ’n patent, die transfer split system, wat die masjien se siftingsvermoë met 50% verbeter.
Die TL 8520SH is die kleinste aartappeluithaler in die TL 85reeks. Die groter weergawes sluit in die TL 8530 RE, TL 8540 DTS en die groot TL 8560.
“Die 85 verteenwoordig die opbandwydte, wat 850 mm is, en die tweede getal gee die grootte van die bak aan in ton, waar 30 byvoorbeeld 3 ton verteenwoordig,” sê mnr. Francois Turner, eienaar van Turnerland.
SLYTWEERSTAND
Die TL8520SH se bak bereik ’n aftaphoogte van 3,5 m, terwyl die lofband oor ’n positiewe aandryfvingerwiel van 315 mm in deursnee beskik. Die 800 mm wye tepelband komplementeer die gepatenteerde transfer split system, en skei aartappels maklik van kluite danksy die digtheidsverskil tussen die twee omdat kluite onder bly en die aartappels na bo rol.
Die gepatenteerde transfer split system wat op die TL 8520SH aangebring is, beteken die uithaler kan kers vashou by aansienlik groter uithalers. Die stelsel gee die uithaler die vermoë om 50% meer uit te sif, wat een van die eienskappe is wat dié uithaler onderskei van soortgelyke, kleiner aartappeluithalers.
Om seker te maak die helling speel nie ’n rol wanneer aartappels uitgehaal word nie, is die TL 8520SH met ’n spesiale elevasieband (flight belt) toegerus wat beteken aartappels kan teen afdraandes van 2530 grade uitgehaal word sonder dat aartappels terugrol.
Die TL 8520SH het kouters met ’n deursnee van 750 mm en ’n drukdrom van 500 mm in deursnee. Dit bied outomatiese dieptebeheer en laat die vrye vloei van grond toe. Die drukdrom trap die lowwe vas sodat die kouters dit kan sny. Wêreldklas PUDrive poliuretaanaandryfratte op die aartappeluithaler word in 2850 mm ratvelde verskaf. Dit het ’n uiters hoë slytweerstand wat ’n baie lang aandryfgebruikstyd tot gevolg het. Die bandlaste word ook plaaslik vervaardig en word verskaf in dieselfde velde as die aandryfratte. Deur dit plaaslik te vervaardig hoef geen invoerkoste of ’n hoë wisselkoers in ag geneem te word nie.
BEKOSTIGBARE GEHALTE
Die masjien het een breë wiel BO: LINKS: – (Track and Field 6005526.5) wat onder die uithaalmat geplaas word, waar die grond baie los is as daar klaar uitgehaal is. Die breë wiel het ’n Black Bruinhidrostatiese wielmotor wat deur ’n vraggevoelige pomp aangedryf word.
’n Voltreguleerder beheer die trek of stootvermoë van die wielmotor, terwyl ’n oorgroot hidrouliese verkoeler die olie se temperatuur stabiel hou. Die tweede band is aansienlik smaller omdat dit in die vasgetrapte loopspoor van die trekker trap en dus nie nog ’n hidrostatiese wiel nodig het nie. Dié wiel is opsioneel. Saam met die hidrouliese stuur help die wiel aartappelboere om kleiner draaisirkels te maak in die moeilike gebiede aan die einde van ’n land.
“Alles wat ons by Turnerland doen, word met trots en geesdrif gedoen. Daarom kan ons vir die aartappelboere in SuidAfrika en die res van Afrika bekostigbare pryse aanbied,” sê Turner. info@turnerland.co.za, 022 723 1413.