DIÉ WEEK IN DIE LANDBOU
WORD ’N RESERVIS
Agri SA doen ’n beroep op sy lede om polisiereserviste te word nadat lt. genl. Kgomotso Phahlane, die waarnemende nasionale polisiekommissaris, onlangs aangekondig het dat al nege provinsies kan voortgaan met die werwing van reserviste om die polisie by te staan met misdaadvoorkoming en ondersoek. Mnr. Kobus Breytenbach, voorsitter van Agri SA se landelike beveiligingskomitee, sê die boerderygemeenskap moet die reservisteskema én sektorpolisiëring ondersteun, en ook dié inisiatiewe bystaan met plaaswagte.
WREDE AANVALLE
’n hospitaal op Klerksdorp nadat vier aanvallers hom Dinsdagaand 6 Desember meer as 50 keer met messe gesteek het. Mnr. Johan van Niekerk, broer van mnr. Chris van Niekerk van NWK, is volgens mnr. André Pienaar, die plaaslike veiligheidskoördineerder, oorval toe hy van sy buurman teruggekeer het. Die volgende oggend om halfsewe is me. Petro Jacobs, wat ’n gastehuis op ’n plaas in die omgewing bedryf, aangerand en met ’n mes gesteek. ’n Tuinwerker is ook beseer toe hy haar wou beskerm. Johan en Christo van Niekerk is albei verlede jaar vereer met ’n eerbewys van NWK vir hul bystand aan opkomende melkboere. Pienaar sê die gemeenskap staan saam om die slagoffers te ondersteun. Lees meer op Landbou.com.
SILO’S VIR MACLEAR
Mielieboere in die MaclearUgie-omgewing sal reeds teen die volgende jaar se oestyd hul mielies by BKB se nuwe silo’s op Maclear in die Oos-Kaap kan lewer. Die silo’s sal 4 500 ton mielies kan hou, en verteenwoordig ’n belegging van R7 miljoen. “Mielieboere in die Maclear-omgewing se naaste silo-leweringspunt is tans sowat 75 km ver, in Elliot,” sê mnr. André du Toit, BKB se hoofbestuurder van handel. “Die BKB-silo’s in Maclear kan hulle dus tyd en koste spaar. Verder het BKB mielies nodig wat in sy handelstakke verkoop word, en waar moontlik wil ons graag ons kliënte die geleentheid gee om hierdie regstreeks vir ons te produseer,” sê hy. Daar is tans rondom 25 mielieprodusente in die omgewing.
NUWE KAMERADE
Die vakverbond Solidariteit en die Transvaalse Landbou-Unie van Suid-Afrika het verlede week ’n ooreenkoms gesluit ten einde doeltreffender saam te werk oor sake wat albei organisasies se lede raak. Hulle sê in ’n gesamentlike verklaring daar is oorvleueling tussen die werksaamhede van die TLU SA en organisasies binne Solidariteit. Hulle deel ook sienings oor nasionale kwessies, soos eiendomsreg, omgewingsake en die agteruitgang van munisipale dienste in die meeste dorpe op die platteland. Mnr. Bennie van Zyl, hoofbestuurder van die TLU SA, sê sulke ooreenkomste is “van kardinale belang om vooruitgang in Suid-Afrika te verseker”. Solidariteit het reeds ’n samewerkingsooreenkoms met Agri SA gesluit.
CLOVER SPRUIT UIT
Diegenoteerdesuiwelmaatskappy Cloverseafdelingvirongepasteuriseerdemelkgaanvanaf1Januarieas ’nnuwemaatskappy,DairyFarmers ofSouthAfrica(Edms.)Bpk(DFSA), sakedoen.In’nkennisgewingaan aandeelhouerssêCloverDFSAsal syvoorkeurverskafferwordviralle ongepasteuriseerdemelk,ensalook laemarge-produkte,soosvarsmelk, langlewemelkenultra-gepasteuriseerdemelk,regstreeksaandiehandel enverbruikersbemark.Cloversal steedssteundienste,soosinsameling, opberging,verspreidingenkleinhandelbeplanning, behartig. Clover sê die doel van die herstrukturering is om produkte met hoër marges in suiwelen verwante produkte te ontwikkel en blootstelling aan die sikliese aard van sy laemarge-besigheid met ongepasteuriseerde melk uit te skakel.
BEET-REËNBOOG
Klein Karoo Saad het op sy groenteboeredag in Brits ’n nuwe witbeetkultivar, Avalanche (onder), bekend gestel, ná die sukses van die geelbeetkultivar, Boldor, wat verlede jaar bekend gestel is. ’n Nuwe rooibeetkultivar, Boro, is ook bekend gestel.