Nog goeie reën voorspel, maar
DAMVLAKKE SOOS OP 20 FEBRUARIE, TOTALE REËNVAL 1-21 FEBRUARIE 1 2 . . . SUID-AFRIKA se somerreëngebied kan in die laaste helfte van die somer ook natter as normaalweg wees.
Volgens die SA Weerdiens se jongste seisoensvooruitskouing is die meeste plaaslike en internasionale voorspellingsmodelle dit eens daaroor, hoewel dié voorspelling se noukeurigheid volgens die wiskundige modelle 4 2 1 3 aan die lae kant is.
Warmer as normale temperature word ook vir die hele land voorspel, hoewel ook met ’n redelik lae graad van sekerheid.
Dít kom terwyl die groot vraag op almal se lippe is of Suid-Afrika se somerreëngebied te midde van milde reënneerslae op die vooraand van ’n nat siklus is of nog onder die heersende droogtesiklus sal moet vasbyt. Historiese inligting wys dat hierdie siklusse tradisioneel drie tot sewe jaar duur.
Die Weerdiens sê in sy nuwe 8 6 5 7 5 7 seisoensverslag hoewel die knellende droogtetoestande deels oor die oostelike en noordoostelike deel van die land verlig is, ervaar die sentrale en westelike deel van die land steeds ondergemiddelde reënval.
“Met die winter op pad word die publiek gewaarsku dat betekenisvolle waterverlies verwag kan word weens die gebruiklike afname in reënval, saam met hoë verdampingskoerse, veral oor die somerreëngebied.
“Waterbesparingsmaatreëls is dus steeds hoogs aan te beveel Reënval (mm) vir die hele land,” lui die verslag.
Dit bevestig dat die afgelope swak La Niña-verskynsel verdwyn het om vir ’n neutrale fase, tussen La Niña en El Niño, plek te maak.
Dié neutrale fase maak dit moeilik om noukeurig reënvalen temperatuur-vooruitskouings te doen.
Die Indiese Oseaan-dipool, wat ook ’n invloed op SuidAfrika se klimaat het, is steeds in ’n neutrale fase. Daar word verwag dat dié stand van sake gaan voortduur. –