AGRI SA EN DIE SKA TEKEN OM GEMEENSKAPPE TE BEVOORDEEL
LEIERS van Agri SA en die SKA-radioteleskoopprojek in die Noord-Kaap het ’n memorandum van verstandhouding onderteken om te verseker dat plaaslike gemeenskappe van die Karoo baat vind by die projek.
Volgens ’n persvrystelling van die SKA Suid-Afrika (SKA SA) sluit hy vennootskappe met gemeenskapsorganisasies om te verseker dat die verwagte impak van die projek gunstig bly.
Mnr. Johannes Möller, voorsitter van Agri SA, het gesê hulle kan nie die projek keer nie, maar die memorandum lê riglyne neer vir wat gebeur nadat die SKA SA 118 000 hektaar grond van boere by Carnarvon, Vanwyksvlei en Williston gekoop het om die kern van die SKA-radioteleskoop te bou.
“Ons wil probeer om die ekonomiese impak op die gebied te beperk. Dit volg op ons oorspronklike ooreenkoms met dr. Justin Jonas van die SKA waarmee ons wou verhoed dat die ekonomie van die gebied benadeel word.
“In die eerste plek wil ons hê boere moet regverdig behandel word as hulle hul grond verkoop. Waar die SKA SA nie in alle grond van ’n boer belang stel nie, moet hy dit koop en weer op die ope mark verkoop.”
KOMMUNIKASIE
Möller sê Agri SA verwag ook dat landboubedrywighede buite die kern van die SKA-radioteleskoop moet voortgaan en dat die dorpe nie benadeel word nie. “Ons probeer ’n verstandhouding vestig waarbinne hulle hul korporatiewe pligte kan uitvoer.”
Luidens die persverklaring onderneem Agri SA en die SKA SA met die memorandum om voortdurend maniere te soek om, waar moontlik, die landbougrond wat in die gedrang kom, vir boerdery te benut, solank dit nie die funksionering van die radioteleskoop in die gevaar stel nie.
Daar word verwag dat die boere se kundigheid die SKA SA sal help met die bekamping van roofdiere en indringerplante.
Die SKA SA erken dat grondeienaars en plaaswerkers se vermoë om moderne kommunikasietoerusting te gebruik, beperk gaan word. Hy het egter onderneem om te belê in die ontwikkeling van alternatiewe tegnologie wat die impak van die radioteleskoop sal beperk.
“Ingevolge die ooreenkoms sal gereelde behoeftebepalings gedoen word om alternatiewe oplossings vir die kommunikasiebehoeftes van die geraakte gemeenskappe te vind.”
SAN-GEMEENSKAP
Dr. Rob Adam, besturende direkteur van die SKA SA, gesê sy visie is dat die organisasie aanhou om sy verhouding met die mense wat in en naby die SKA-perseel woon, uit te bou. “Dit is die verantwoordelikheid van die SKA SA en plaaslike boere om saam te werk om ’n volhoubare toekoms vir dié deel van die Karoo te bou.”
Hy sê met dié ooreenkoms verbind die SKA SA hom daartoe om in vennootskap met die georganiseerde landbou seker te maak die Karoo trek die grootste moontlike voordeel uit die huisvesting van die radioteleskoop.
Volgens Adam gaan hulle ook eersdaags ’n ooreenkoms aangaan met die Raad van die San-mense, wat die belange verteenwoordig van die nageslag van die vroegste inwoners van die Karoo. – Nel sê die meeste beleggers wil benewens opbrengs ook voel dat hulle ’n maatskaplike invloed kan hê. “Senwes is daarom ’n ideale beleggingsvoertuig. Ons is trots daarop dat ons deur die vereenvoudiging van aandeelverhandeling ’n presedent kan skep vir die Suid-Afrikaanse landbou om toegang te kry tot groeifondse wat gewoonlik net deur tradisionele bankfinansiering beskikbaar is,” sê Nel in ’n verklaring.
Mnr. Petri Redelinghuys, stigter van Herenya Capital Advisors, is baie opgewonde oor ZAR X. Hy sê in ander lande, soos Amerika, is daar verskeie beurse. ZAR X is Suid-Afrika se enigste ander beurs naas die JSE. Senwes het voorheen sy aandele “oor die toonbank” (OTC) verkoop en nie deur ’n beurs nie. Wetgewing het egter verander en die Raad op Finansiële Dienste het beslis dat OTC-aandele deur ’n beurs verhandel moet word, wat Senwes gedwing het om te noteer.
Redelinghuys sê die JSE stel moeilike noteringsvereistes, terwyl ZAR X ’n goedkoper en makliker oplossing bied.
–
Die landbou speel ’n groot rol in ekonomieë, veral as ’n werkskepper.