Hoenderkrisis kan vele bedrywe benadeel
AS die hoenderbedryf weens die stortvloed van invoer ineenstort, kan die rimpeleffek wyd wees omdat verskeie bedrywe interafhanklik van die hoenderbedryf is.
Mnr. Adriaan de Lange, Omnia Fertilizer se besturende direkteur vir Suid-Afrika, sê bedrywe wat ernstig deur die ondergang van die pluimveebedryf geraak sou kon word, is graanpluimveebedryf produksie en -hantering, versekering, banke, landbouchemiese middels, kunsmis, verpakking, logistiek en verwerking.
“Vir elke 700 kg hoendervleis op die rak, is 1 ton mielies nodig om die hoender te voer. Die pluimveebedryf gebruik ’n beduidende deel van die land se mielie-oes.
“Volgens die Dierevoervervaardigersvereniging is die
die grootste verbruiker van plaaslik vervaardigde voer, met mielies wat 48% van dié verbruik in die laaste kwartaal van verlede jaar verteenwoordig,” sêhy.
WERK ‘UITGEVOER’
“Namate die vraag na produkte en dienste verminder, sal rasionalisering binne dié bedrywe plaasvind, wat tot beduidende werkverliese sal lei.
“Die langtermyngevolge van onverstoorde hoenderinvoer is gewigtig. Ons is besig om
broodnodige plaaslike werkgeleenthede na internasionale produsente ‘uit te voer’, terwyl ons mense se afhanklikheid van werk buite die landbousektor deur toenemende verstedeliking verhoog.” De Lange sê as die plaaslike hoenderbedryf se produksievermoë deur invoer verwoes word, sal dit jare neem om te herstel. In dié tyd sal Suid-Afrika van ingevoerde kos afhanklik wees, wat hom kwesbaar sal laat vir prysverhogings – uitvoerders neem hul sake na waar hulle die