Nasie in Gesprek

Die afgelope paar jaar was wildteling ’n baie winsgewende belegging. Oor ’n tydperk van vyf jaar (van 2007 tot 2012) het die gemiddelde verkooppryse van buffels met 540% en swartwitpense met 479% gestyg.

Dit is mos nou ’n behoorlike opbrengs op ’n belegging!

Die volgende episode van Nasie in Gesprek kyk onder meer na hoe wildtelers, wildplase, natuurbewaring en die jagbedryf mekaar aanvul. Skakel in op kykNET (DStv-kanaal 144) op Woensdag 1 Maart om 17:30. Heruitsendings volg op 2, 4, 5, 6 en 8 Maart.

Die span kuier by mnre. Piet Warren, ’n wildboer en swartwitpensteler van Gravelotte in Limpopo en John Hume, die wêreld se grootste renosterboer. Die ateljeegas is mnr. Danie Minnaar, ’n wildteler.

Chris Burgess, redakteur van Landbouweekblad, bied in elke episode sy perspektief en gesels oor belangrike sake in die landbou.

Sowat 10 000 Suid-Afrikaanse wildplase is in private besit op altesame 20 miljoen hektaar wat om en by 12 miljoen stuks wild bevat. Suid-Afrika se nasionale parke huisves maar sowat 6 miljoen stuks wild.

BORGE

Nasie in Gesprek word moontlik gemaak deur Senwes en die medeborge Monsanto, Afgri, Nedbank, Hinterland, NWK en Imperial Isuzu. Landbouweekblad is die mediavennoot.

KYK EN WEN

Hou jou oë oop vir die kennisgewing oor die SMS-kompetisie tydens elke uitsending. Een gelukkige deelnemer kan elke week ’n John Deere-geskenkpak ter waarde van R2 500 wen! Besoek

vir meer besonderhede. Die Nation in Conversationslimfoontoepassing is gratis op Google Play en AppStore beskikbaar. Praat ook saam op Twitter by of op Facebook op die “Nation in Conversation”-blad.