Grootmaakkoste van verse bepaal wins
Skokkend baie melkboere weet nie hoeveel dit hulle kos om ’n kalf van geboorte tot verkoop- of produksie-ouderdom groot te maak nie. Die werklike waarde van koeie lê in hul melkproduksievermoë. Die hoë pryse wat soms vir ‘topkoeie’ op veilings betaal word
Kennisgewings en advertensies verskyn gereeld in die media van melkkoeie, vervangingsverse, bulle en dikwels hele melkkuddes wat te koop aangebied word. Dit is gewoonlik melkboere wat die handdoek ingegooi het weens stygende skuld vanweë die wanbalans tussen inkomste en die uitgawes om ’n melkery te bedryf.
’n Suksesvolle melkery verg groot aanvanklike uitgawes en daarna aanhoudende, daaglikse produksie-uitgawes. Hoewel ’n melkery ’n daaglikse inkomste voorsien, vergroot emosionele spanning weens sulke wanbalanse en die daaglikse bestuur van groot getalle koeie.
Meestal word die diere se prys in die advertensies aangedui. Dit gee soms ’n aanduiding van hoe desperaat ’n boer is om sy diere verkoop te kry. Andersins laat blyk dit ook ’n wanbegrip deur ’n boer van die werklike waarde van die diere.
Dit is moeilik om die waarde van diere te bepaal. ’n Mens kan verwag dat die waarde van diere anders sal wees vir die verkoper as vir die koper. In die geval van ’n vers waarvan die moeder ’n nasionale skoukampioen was, sal die verkoper beslis ’n hoër prys verwag, KORTOM
■ Boere wat verse wil verkoop, moet op die hoogte wees van die grootmaakkoste van hul verse omdat ’n lae prys die verkoper benadeel. ■ Stel ’n behoorlike strategie op as die verkope van vervangingsverse as ’n bykomende inkomste gesien word. ■ Dit is dikwels beter om ’n deel van die kudde deur vleisbulle te laat dek en die nagslag so gou moontlik te verkoop.
terwyl kopers meestal net ’n vers soek om in die kudde melk te lewer.
Dit is ook belangrik om die koste om aan uitverkopingsveilings deel te neem, in ag te neem. Dit sluit die voorbereiding van koeie vir die veiling in, die reiskoste, arbeidskoste, asook kommissie of agentetariewe.
Verder moet jy in gedagte hou dat koeie in die meeste kuddes eers ná hul tweede laktasie hul grootmaakkoste as vers afbetaal het en ’n wins begin toon. Koeie wat vroeg verkoop word, byvoorbeeld net ná hul eerste laktasie, “skuld” dus nog ’n deel van hul grootmaakkoste. Hopelik maak die verkoopprys daarvoor op.
Dit kan ’n bonus wees as ’n aangekoopte koei ook ’n skoukampioen is. Die deelname aan skoue is egter ’n onderafdeling van die melkerybedryfstak wat met omsigtigheid bestuur moet word. Dit help nie om puik skoukoeie te lewer, maar hul melkproduksie is nie goed genoeg om dit lonend te maak om hulle in die kudde te hou nie.
’n Beter keuse vir kopers is om diere te koop uit kuddes wat aan melkaantekening deelneem omdat dié koeie oor beraamde teelwaardes beskik. Daar is ten minste ’n aanduiding van koeie wat ná hul eerste laktasie gekoop word se melkproduksievermoë.
Die herhaalbaarheid van melkproduksie is taamlik hoog – sowat 55%. Dit beteken koeie wat goed melk lewer, gaan ook in ’n volgende kudde of omgewing ’n goeie melkproduksie hê. Herhaalbaarheid word gedefinieer as die LINKS ONDER: ONDER: