Sjokolade-vyetertjies
is nie. Haal uit die oond en laat afkoel tot kamertemperatuur. Braai die spek in ’n droë pan tot bros. Skep uit op kombuispapier om van die vet ontslae te raak. Sit die vye, spek en botter in ’n voedselverwerker en pols tot glad en goed gemeng. Skep uit op ’n dubbele vel waspapier en vorm dit in ’n netjiese rol botter deur dit in die waspapier toe te draai. Verkoel tot benodig. Lewer 250 g botter. Dié tertjies met hul effe-bitter donkersjokoladevulsel en soet vyebolaag maak ’n fantastiese nagereg. Sit dit voor met goeie koffie. Ek gebruik ’n klapperbroskors vir die tertjies, maar jy kan enige gaar tertkors van jou keuse gebruik. Selfs ’n krummelkors sal werk.
Voorverhit die oond tot 190 °C. Verwerk die klapper, meel, sout, botter, strooisuiker en eier saam in ’n voedselverwerker tot goed gemeng. Voeg ’n paar druppels yswater by en meng verder tot ’n deeg vorm. Rol die deeg op ’n meelbestrooide oppervlak uit en voer 8-10 individuele, gesmeerde losboomtertpanntjies van 8-10 cm uit met die deeg. Sny die rante netjies en prik die boom van elke kors met ’n vurk. Voer elke kors uit met ’n vel bakpapier en vul die papier met bone of rys. Bak vir 10 minute. Haal die kors uit die oond, verwyder die papier (en bone of rys) en bak vir nog 5-10 minute tot die kors gaar is. Haal uit die oond en laat afkoel.
Verhit die sjokolade en room stadig oor lae hitte (of teen 30% krag in die mikrogolf) tot glad, terwyl jy roer. Verwyder van die hitte en roer die botter by tot gesmelt.
Pak die tertdoppies op ’n skinkbord of bakplaat en giet van die sjokoladevulsel in elke doppie. Moenie die tertdoppies tot heel bo volmaak nie; hou ’n paar millimeter oop vir die bolaag. Verkoel die tertjies tot die sjokoladevulsel ferm is.
Sny elke vy in dun skyfies en versier die tertjies boop daarmee. Verhit die heuning en brandewyn saam tot kookpunt en glaseer elke tertjie daarmee. Lewer 8-10 tertjies.