Beskerm jou skaapkudde met Multivax-P Plus, ’n gekombineerde 7-in-1-entstof van MSD Animal Health teen klostridiale siektes en Pasteurella.
Multivax-P Plus* is ’n bekende en betroubare entstof wat aktiewe immunisering van skape bied teen bloedpens, bloednier, klem-in-die-kaak, sponssiekte, klostridiale baarmoederontsteking (kwaadaardige edeem van die baarmoeder), bloedderm en infeksies wat deur Clostridium novyi tipe B veroorsaak word.
Die entstof kan ook as hulpmiddel gebruik word in die bekamping van pneumoniese pasteurellose by alle skape.
Dit is ook doeltreffend in die bekamping van sistemiese pasteurellose by gespeende vetmaakskape en teelskape.
Multivax-P Plus kan by dragtige ooie gebruik word as ’n hulpmiddel in die bekamping van bloedpens, bloednier, klemin-die-kaak en pasteurellose by lammers, mits die lam in die eerste twee dae ná geboorte genoeg biesmelk kry.
Dié gekombineerde 7-in-1entstof teen klostridiale siektes en Pasteurella is die enigste in Suid-Afrika wat ysterregulerende proteïene bevat. Waar yster teenwoordig is, vermeerder pasteurellabakterieë. Ander entstowwe is op die toksiene toegespits, terwyl Multivax-P Plus die vermeerdering van pasteurellabakterieë doeltreffend blokkeer én die toksiene bestry.
Die entstof bestaan uit toksoïedes van Clostridium perfringens tipesB,CenD,C.septicum, C. tetani, C. novyi tipe B, formalien geïnaktiveerde selle en toksoïede van C. chauvoei en ysterregulerende proteïene van die belangrikste epidemiologies serotipes van Mannheimia (Pasteurella) haemolytica en Pasteurella trehalosi.
OPBERGING EN GEBRUIK
Soos met enige entstof moet dit reg opgeberg word met die nodige beskerming teen lig en temperatuur tydens toediening. Hou in ’n koel plek tussen 2-8 ºC. Moenie vries nie. Beskerm teen lig. Koop die regte hoeveelhede in die regte verpakking aan. Entstof wat net gedeeltelik gebruik is, kan nie tot die volgende dag gebêre word nie en moet aan die einde van die dag wanneer die inenting klaar is, vernietig word.
Die middel is veilig vir gebruik in die voedselketting en het geen onttrekkingstydperk nie.
Aanvaarbare vlakke van immuniteit sal bereik word vanaf twee weke ná ’n tweede dosis van die primêre inenting.
Die entstof kan ’n verbygaande reaksie by die plek van inspuiting veroorsaak wat 3-4 maande ná inenting kan voortduur. Reaksies van hipersensitiwiteit Pasteurella
kan ook voorkom. In enige groep diere is daar ’n klein persentasie wat nie op die entstof sal reageer nie weens immunologiese ongeskiktheid.
Slegs gesonde diere sal ’n bevredigende immuniteitsreaksie geniet. Vermy daarom die inenting van siek diere of diere met metaboliese afwykings. Vermy spanning, veral in die laaste stadium van dragtigheid wanneer daar ’n moontlikheid van aborsie of metaboliese afwyking is.
Gebruik die middel slegs soos aangedui op die verpakking en skud goed voor gebruik. Spuit 2 ml onderhuids in die los vel, aan die sykant van die boonste gedeelte van die nek in skape van alle ouderdomme.
Die tydperk van passiewe immuniteit vir lammers van ooie wat met Multivax-P Plus ingeënt is, is vier tot ses weke.
Lammers moet ’n eerste dosis van 2 ml ontvang wanneer hulle 4-6 weke oud is, gevolg deur ’n tweede dosis van 2 ml 4-6 weke later. Volg dieselfde inentingsprogram vir alle skape ouer as drie weke (nie jonger nie), asook skape wat nog nooit voorheen met Multivax-P Plus ingespuit is nie of lammers van ooie wat nie met Multivax-P Plus voor die lamtyd ingeënt was nie.
Daarna moet ’n skraagdosis minstens elke 12 maande toegedien word.
By volwasse teelooie moet hierdie jaarlikse skraagdosis 4-6 weke voor lamtyd gegee word. ’n Skraagdosis van pasteurella-entstof word aanbeveel 2-3 weke voor die verwagte uitbreking van seisoenale pasteurellose. www.msd-animal-health.co.za; 011 923 9300. *