Kenners, boere praat saam oor mielies
As Suid-Afrika se algemeenste graangewas is mielies ’n belangrike skakel in die voedselwaardeketting. Op Woensdag 29 Maart kom die mieliebedryf onder die loep in Nasie in Gesprek.
As stapelvoedsel vir menige Suid-Afrikaner en ’n belangrike deel van voerrantsoene vir intensiewe veeboerderye is die mielie vir almal belangrik.
In die volgende episode op kykNET (DStv-kanaal 144) vertel ’n groep boere en bedryfskenners meer oor mielieproduksie en watter sake die bedryf die meeste beïnvloed.
Bothaville en omgewing en die boerderyonderneming van mnr. Thabo van Zyl is een van die insetsels wat die verbruiker beter sal inlig oor die doen en late van ’n mielieboer. ’n Kykie na die verwerking van mielies vir menslike verbruik en in die veevoerbedryf is ook op die agenda.
Mnr. Jaco Minnaar vertel meer oor hoe die mieliebedryf aanleiding gegee het tot Afrika se grootste landbouskou, die NampoOesdag by Bothaville.
Die paneel kenners in die ateljee sluit in mnre. Corné Kruger (Senwes), Jacob de Villiers (Afgri), Daan Bronkhorst (Hinterland) en me. Marion Shikwinya (Harvest Time).
Oudergewoonte bied Chris Burgess, Landbouweekblad se redakteur, sy insigte oor die mieliebedryf en hoe dit die verbruiker raak.
Die aanbieders is Theo Vorster (Galileo Capital), Rozanne McKenzie (Jacaranda FM) en Mpumelelo Mkhabela (voormalige redakteur van die dagblad Sowetan).
Ná die eerste uitsending is episodes ook op YouTube te sien. BORGE Nasie in Gesprek word moontlik gemaak deur Senwes en die medeborge Monsanto, Afgri, Nedbank, Hinterland, NWK en Imperial Isuzu. Landbouweekblad is die mediavennoot. GESELS SAAM EN WEN! Volg die gesprek op die Nation in Conversation-slimfoontoepassing. Dit is gratis op Google Play en AppStore beskikbaar. Praat saam by @NationCon
verse op Twitter of op Facebook op die “Nation in Conversation”-blad.
Wees op die uitkyk vir die kennisgewing oor die SMS-kompetisie tydens elke uitsending. Een deelnemer kan elke week ’n John Deere-geskenkpak ter waarde van R2 500 wen! Besoek
www.nasieingesprek.co.za vir nog besonderhede.