Ontkalker kry nuwe lewe

Ses jaar nadat ’n slim plan as Boereplan verskyn het, is dit nou ’n kommersiële produk wat die smaak van water verbeter en keer dat mikrosproeiers verstop.

Vernuftige boereplanne, soos dié wat weekliks in Landbouweek

blad se boereplanrubriek verskyn, vind wyd inslag – en praktiese raakvatters verbeter dit dikwels.

Brak water, pype wat toekalk, en ketels vol kalksteen is van die probleme wat inwoners van landelike gebiede ondervind waar gesofistikeerde watersuiweringsaanlegte ontbreek.

Een van die trefferplanne van mnr. Christi Grobbelaar, voorheen van Luckhoff in die Vrystaat en deesdae van Enzelsberg, Zeerust, in Noordwes, was om goedkoop van kalk in die drinkwater ontslae te raak (sien “Raak goedkoop ontslae van kalk”, LBW, 15 Julie 2011). Hy het ’n sinkblok gebruik omdat dit sterk elektrolitiese eienskappe het en goedkoop is, en dit in die watertoevoer tussen sy huis se watertenk en die huis geplaas. Die sink verbeter die smaak van die water en keer dat mikrosproeiers verstop.

Mnr. Carl Dannhauser, ’n ondernemer van Klerksdorp, is een van die mense wat dié boereplan beproef het. Carl het met Christi se goedkeuring die plan verfyn en as ’n H2O-kalkneutraliseerder gekommersialiseer. Hy bied nou ’n volledige eenheid van PVC-materiaal aan wat in die watertoevoer gekoppel kan word, asook ’n aardkoppeling.

Die nuwe H2O-kalkneutraliseerder bestaan uit ’n 50 mmPVC-pyp (300 mm lank), wat water oor ’n sinkstaaf laat vloei. Die staaf is verbind aan ’n koperdraad wat op sy beurt weer aan ’n aardpen geanker word.

Carl kan nie uitgepraat raak oor die doeltreffende werking van die patent nie.

“Ek het sowat tien jaar gelede groente onder drupbesproeiing verbou met oneindige probleme

BO: Die H2O-kalkneutraliseerder bestaan uit ’n 50 mm-PVCpyp (300 mm lank), wat water oor ’n sinkstaaf laat vloei wat aan ’n koperdraad verbind is. Dit is aan ’n aardpen geanker.