BOERE VRA HULP

Geagte medeboere, my naam is Warren Bright en ons hoof- uitvoerende beampte is mnr. Charles Groves. Ons onderneming, Bright Berries, is ernstig geraak deur die brande wat talle huise en plase in en om Knysna vernietig het en sewe lewens geëis het. Ons buurman en sy gesin is ook in die brande oorlede.

Die werklikheid van dié vernietiging het nou ingesink. Ons moet letterlik van voor af begin op ons plaas van 20 ha. Al ons bessiebosse is erg beskadig, buitegebou is vernietig, besproeingspype het gesmelt, elektriese bedrading na pompe en besproeiing werk nie, plaastoerusting is vernietig en ons kwekery met saailinge, skadunette en hidroponiese tonnels is tot niet.

Die rede vir my brief is dat ons met die ondersteuning van ander mense ons plaas sal kan herbou. Ons hoop dat die boere wat hierdie brief lees, ons sal kan help met toerusting en hulpmiddels wat hulle nie tans produktief gebruik nie. Ons behoefte is só groot, julle sal verbaas wees oor hoe enige klein stuk toerusting, ekstra besproeiingspype of ekstra plantjies ons sal help om ons onderneming te herstel.

Ons vertrou dat julle die versoek sal oorweeg en dit in jul hartse sal vind om ons te help. Kontak Charles by e-pos:

charles@brightberries.co.za of sel 082 709 7195 of myself by e-pos: warren@brightberries.

co.za of sel 082 901 9479. WARREN BRIGHT Elandskraal, Knysna