Merino Classic wys wenners aan

Die jaarlikse Merino Classic is vanjaar op die Bloemskou in Bloemfontein aangebied met sowat 360 skape van stoeterye van oor Suid-Afrika heen. Telers van die Karoo het veral uitgeblink in die 40 klasse en ses spesiale klasse.

1 Kampioen-ooi en -ram (beste bouvorm).

Eienaars: Mnre. Roelo (links, tel. 049 853 9940) en Stefanus (naasregs) van Heerden, Onderstetuin-Merino’s, Murraysburg. Hanteerders: Mnre. Danie Hoffman (ooi) en Hermanus Galant (ram). Dié stoetery het ook die ooi met die beste vag opgelewer, asook minstens ses ander kampioene.

2 Kampioen-wolram (beste vag op die skou).

Eienaar: Mnr. Uys Willemse (middel, sel 082 787 5831), Goede VerwagtingMerino’s, Heidelberg, Wes-Kaap. Links is mnr. Robert Scott (BKB) en regs is mnr. Hendrik Kouter (hanteerder).

3 Kampioenram (tweetand, ligte groep, lang wol) en beste poenskopram op die skou.

Eienaar: Mnr. Johan du Plessis (middel, sel 082 453 5101), Suiderkruis-Merino’s, Villa Fonté, Humansdorp. Links is mnr. Pierre Vlok (BKB). Hanteerder: Mnr. Soldaat Nel.

4 Kampioen-ooilam (geskeer, kort wol, middelgewig).

Eienaar: Mnr. Gerrit Viljoen (sel 082 550 3527), Elandspoort, Richmond. Vertoner: Mnr. Cobus Viljoen (middel), saam met dr. Antonie Geyer (links, Universiteit van die Vrystaat) en mnr. Koos Lottering (hanteerder). Viljoen se skape het minstens vyf ander kampioene opgelewer.

5 Kampioenram (twee- tot viertand, kort wol, ligter as 94 kg).

Eienaar: Mnr. Abrie Griesel (middel, sel 082 688 0200), Klein Zuurfontein, Springfontein. Links is mnr. Leon van Dijkhorst (Voermol) en regs is mnr. Wayne Melato (hanteerder).

6 Kampioen-ooilam (geskeer, kort wol, ligter as 58 kg).

Eienaar: Mnr. Stefan Naudé (middel, sel 072 639 1285), Geelbek-Elite, Skuilhoek, Hanover. Links is mnr. Giepie Calldo en regs mnr. Garry Francis, albei van OVK/CMW.

7 Kampioen-ramlam (maksiafdeling).

Eienaars: Gesin Naudé, Haaskraal, Richmond. Van links is me. Annelie Coleman (Farmer’s

Weekly), mnre. Van Zyl Naudé (sel 082 664 3466), sy seun Francois, Jafta Adams (hanteerder), en nog ’n seun, Van Zyl.

8 Kampioen-ooilam (maksiafdeling).

Eienaars: Mnr. Manie Fourie (naasregs, sel 082 378 2662) en sy vrou, Nella (naaslinks), Oude Muragie, Riversdal. Links is mnr. Lammie Lammerding (Merial) en regs mnr. Henry Prins (hanteerder).