Groot pryse beloon wenboere
Du Pont Pion eers e Weeg-en-Wen™ opbrengs kompetisie daag mielie-en sojoboonboere uit om met hul beste opbrengs per hektaar teen mekaar mee te ding.
Di e Weeg-en-Wen ™- opbrengs kompetisie is nie net beperk tot aanplantings uit dieprodukmandjie van Pioneer nie. Enige boer van 18 jaar of ouer wat op meer as twee hektaar boer, kan met enige geregistreerde kultivar van enige saadmaatskappy deelneem.
Dit kos R1 000 om in te skryf. Boere moet voor ’n bepaalde tyd in Julie hul uitgesoekte lap mielies of sojabone van minstens twee hektaar stroop en hul verslag indien. Die oesproses, asook die leweringsproses en finale weeg van die vrag word deur twee aangewese toesighouers nagegaan. Die volledige stel kompetisiereëls is by
www.weegenwen.co.za te sien.
PRYSE OP DIE SPEL
DuPont Pioneer is die hoofborg. John Deere en Syngenta is die medeborge. Santam Agri, FNB en Senter360 bied bykomende borgskappe.
“Elke borg maak dit vir ons moontlik om deelnemers aan dié kompetsie te beloon met fantastiese pryse. Die agt kategoriewenners kry elk pryse ter waarde van R50 000,” sê mnr. Du Preez Kritzinger, bemarkingsbestuurder van Du Pont Pi oneer
DUPONT PIONEER
Mnre. Heinz Oellermann, sakebestuurder by DuPont Pioneer, en Emile van den Berg, hooflandboukundige, het op die prysuitdeling s geleentheid gesels oor die maatskappy se vooruitgang en hoe dit boere help.
Met Pioneer, Pannar Saad en Dow Agro Science nou saam in die DuPont-stal kan boere uitsien na nóg meer voordele wat daaruit spruit.
DuPont het die afgelope paar jaar R100 miljoen belê in die Afrika-tegnologie sentrum, wat tans ’n groot aantal wetenskaplikes en bekwame tegnici vanuit Afrika in diens het.
Plaaslike navorsing, by verskeie geriewe in Suid-Afrika en elders op die vasteland, word deur geriewe soos hierdie ondersteun: Die Delmas-tegnologie sentrum, wa top navorsing in die belangrike oostelike produksiestreek toegespits is, huisves ’n mielie-en’ n sonneblomprogram, asook sleutel navorsings geriewe van Pi oneer en Pannar, unieke kiemplasma, asook talent en ondervinding wat saamsnoer om kultivarteling en -ontwikkeling vir Afrika te bevorder. ’n Navorsingsentrum op Hoogekraal (naby Klerksdorp) doen navorsing op verskeie gewasse vir DuPont Pioneer en Pannar met die klem op droogte verdraagsaamheid in die westelike streke. Afrika se grootste private insektarium. Hier kyk navorsers en tegnici na die ontwikkeling van eienskappe om vernietigende plae, waarvan sommige uniek aan die vasteland is, doeltreffend te bestuur.
JOHN DEERE
Mnr. Luk as Groene wal d, verkoopsbestuurder van John Deer e in Afrika suid van die Sahara, het op die prysuitdeling s geleentheid gesê dat die maatskappy hom graag as borg met die kompetisie verbind.
“Ons is betrokke omdat dit oor die boer gaan. Suid-Afrikaanse boere is sekerlik van die beste ter wêreld.”
Lukas het boere in die gehoor geprys vir hul deursettingsvermoë, vernuf en nederigheid .“Die probleme waardeur julle elke dag in die gesig gestaar word, wys dat julle ’n passie het vir wat julle doen. Daar is intelligensie en ywer en ’n oog op die Vader.
“Aan die einde van die dag moet ons tog almal saamwerk, want dit gaan oor voedselsekerheid. John Deere verkoop nie net trekkers nie, ons is in die voedselbedryf. Elke dag help ons boere om kos te produseer. Ons is hier om die pad saam met julle te loop om mens en dier elke dag te help voed.”
SYNGENTA
Me. Linda van der Merwe, hoof van kliënte-bemarking by Syngenta SA, het die maatskappy se ondersteuning aan boere beklemtoon.
“Die boere in Suid-Afrika is helde. Dit was vir Syngenta ’n voor die hand liggende besluit om saam met DuPont Pioneer in vennootskap te tree in hierdie kompetisie. Ons verstaan dat elke besluit wat jy op jou plaas neem, goed opgeweeg word en dat die resultaat van besluite dikwels ’n groot impak het op produktiwiteit en winsgewendheid.
“Die ander borge en Syngenta wil saam met boere werk om die meeste te kry uit die slim besluite wat julle neem.”
Linda het benadruk hoe Syngenta hierdie ondersteuning aan boere bied.
“Syngenta bestee daagliks R60 miljoen aan nuwe produkontwikkeling en navorsing. Produkte word ook nie net in veraf lande ontwikkel nie. Ons toets nuwe produkte plaaslik om seker te maak dat dit die oplossings bied wat Suid-Afrikaanse boere soek.
“Slim vennootskappe met ander maatskappye in die bedryf en deelname in navorsing en bedryfsliggame, soos Graan SA, is vir ons baie belangrik. Só werk ons saam met Graan SA om die Grain Academy moontlik te maak. Hierdie opleidingsgeleentheid vir jong graanboere lê klem op probleemoplossing, emosionele onderwerpe en aspekte soos opheffingswerk.
“Projekte, soos AgriSafe, help boere wat Syngenta-produkte gebruik om hulself teen die wisselvalligheid van die mark te beskerm. Vanjaar het AgriSafe sowat R52 miljoen aan deelnemende boere uitbetaal.”