Rekordprys vir Steytler se Kaapse versnit
DIE Stellenbosse wynmaker mnr. Danie Steytler het sy loopbaan as lid van die Kaapse Wynmakersgilde op ’n hoë noot afgesluit toe sy rooi versnit, Kaapzicht The Ultimate Vision 2015, ’n nuwe rekordprys behaal het vir die hoogste bod wat tot nog toe vir ’n kis wyn op die gilde se veiling gebie is.
Die kis spesiale wyn, met ses bottels, is op die 33ste Kaapse
Wynmakersgilde-veiling op Spier teen R16 600 verkoop. Die wyn is namens ’n Duitser deur ’n geoktrooieerde rekenmeester van Kaapstad gekoop.
“Ek kon dit nie glo nie! My mond het oopgehang toe die mense so hoog bie vir die wyn. Dit was wonderlik. Die mense is regtig fantasties om vir my so ’n afskeid te gee. Dit was ’n baie gawe afskeidsgeskenk,” het Danie aan Landbouweekblad gesê.
The Ultimate Vision is ’n Kaapse versnit, wat beteken dit moet minstens 30% Pinotage bevat.
“Pinotage was eintlik die sterk
been van hierdie wyn, wat bestaan uit 45% elk Pinotage en Cabernet Sauvignon en 10% Merlot.”
OMSET WYS VEILING SE PLEK
Die veiling se totale verkope het net meer as R13,2 miljoen beloop. Mnr. Miles Mossop, voorsitter van die gilde, sê te midde van die huidige ekonomiese klimaat is die resultate ’n pluimpie vir die wynbedryf. Altesaam 2 962 kiste wyn is teen gemiddeld R4 464 per kis verkoop. Die gemiddelde prys per bottel was R744.
Onder die 142 geregistreerde
kopers was 23 van die buiteland. Die internasionale kopers het net meer as ’n vyfde van die wyn gekoop. Die hotelgroep Tsogo Sun was oudergewoonte die grootste koper op die veiling. Die groep het sowat R1,7 miljoen bestee.
Die liefdadigheid s veiling, ten bate van die gildes e Protégè-projek wat jong wynmakers en wingerd boukundiges help ontwikkel, het R140 000 ingesamel. Altesaam 44 bottels (1,5 liter elk) van al die gilde se lede wat ’n wyn op die veiling aangebied het, is vir liefdadigheid opgeveil.