In die LeehanBonsmara-stoetery van Douglas in die NoordKaap ontsien MEV. COLLEEN JACOBS en haar JOHAN,
man, geen moeite om beeste van ’n goeie gehalte te lewer nie. Met Colleen se liefde vir diere en Johan se ondersteuning het hulle in 1994 met Bonsmaras begin boer en die stoetery op die plaas, Lucky Valley, in 2002 geregistreer. Colleen is in beheer van die beesvertakking, terwyl Johan hoofsaaklik die graanproduksie, lusern en aartappels behartig.
Die Jacobse boer in ’n soetveldomgewing met uitstekende weiding en jaarlikse reënval van sowat 325 mm. Die drakrag is sowat 13 ha/GVE. Hulle volg ’n konserwatiewe belading van 16 ha/GVE.
Hulle verbou genoeg meerjarige, aangeplante weiding onder besproeiing om die verse te laat uitgroei en eerstekalfkoeie en hul kalwers 90 dae lank ’n hupstoot te gee.
Die kudde bestaan uit meer as 800 teel- koeie, en in die huidige groeitoets is daar 160 bulle wat uit ’n groep van 350 geselekteer is.
Die Leehan-stoetery se teeldoelwitte behels ’n kudde met ’n funksionele vleisbeesbouvorm, hoë vrugbaarheid, genoeg melk en goeie naspeense groei en voeromsetting. Die Jacobse streef ook na die vermeerdering van poenskopteelmateriaal.
Die stoetery se speenpersentasie is sowat 90 met twee kalftye per jaar. Die kalwers se speengewig is 220 kg tot 230 kg op die ouderderdom van 205 dae.
Sowat 20% van die kudde word jaarliks vervang. Die vervangingsverse word op 16 tot 18 maande oud gedek.
Die wenners van die kompetisie word op 15 November aangekondig.