Van oraloor
DIE Suid-Afrikaanse sagtevrugtebedryf het opsy 42 ste jaarlikse gala-aand op 22 September eerbewyse vir uitsonderlike prestasie in die landbou oorhandig.
Vier mense het pryse vir uitsonderlike prestasie vir hul werk op sagtevrugteplase ontvang en drie vir hul regstreekse en onregstreekse bydrae tot die bedryf. Lucille Botha, assistent redakteur van Landbou weekblad, het di eI z et hel o-media prys vir landbou joernalistiek ontvang. Sy is ook betrokke by die handelsmerk uitbreiding Landbou Boerekos. Mnr. André Roux, direkteur van volhoubare hulpbronbestuur van die Wes-Kaapse departement van landbou, het die Innovasie-prys ontvang vir sy tegniese bydrae om struikelblokke en probleme tot voordeel van die sektor en die groter gemeenskap te beredder. Sy agtergrond in ingenieurswese en kennis van die landbou het gelei tot vernuwende besproeiing s praktyke om water, elektrisiteit en kunsmis te bespaar. Prof. Leopoldt van Huyssteen, bedryfshoof van die Universiteit Stellenbosch, het die Voorloperprys ontvang vir sy leierskaprol in die landbousektor oor ’n tydperk van 40 jaar. In dié tyd het hy in verskeie komitees en rade gedien en was hy drie jaar lank voorsitter van die raad van die Grondkunde vereniging van Suid-Afrika. Mnr. Tumiza Nganunu, junior produksie bestuurder op Steen e brug buite Piketberg, het die meriete prys ontvang as Gevorderde Landbouwerker van die Jaar vir sy uitsonderlike prestasie in ’n bestuursrol. Die veeltalige Tumiza het ’n optimistiese uitkyk op die lewe, hoë standaarde en het vinnig tot in hierdie pos gevorder. Hy bestuur twee voormanne en 150 toesighouers. Hy het verlede jaar die Landbouwerker van die Jaar-kompetisie van die Bergrivier Tafel druif produsentevereniging gewen. Mnr. Kammies Goliath van Eselfontein naby Ceres het die merieteprys as Spesialis-landbouwerker van die Jaar ontvang vir uitsonderlike prestasie deur ’n intern opgeleide landbouwerker wat nou ’n spesialis in die veld is. Kammies werk al 39 jaar met plaagbestryding op die plaas. Hy bestuur ses spuitoperateurs wat nagskofte werk en klim self nog op die trekker wanneer sy spanlede rus nodig het. Sy jare ervaring, toegewyde belangstelling en aandag aan die fyner besonderhede is uiters waardevol. Me. Sonja Plaatjies van die Wildekrans-landgoed in die omgewing van Botrivier het die merieteprys as Algemene Land- bouwerker van die Jaar ontvang vir haar uitsonderlike werk, sterk persoonlikheid en goeie spanwerk. In haar drie jaar op die plaas het sy haar as betroubaar bewys en sy voer haar take met toewyding en na die beste van haar vermoë uit. Sy neem ook deel aan sosiale aktiwiteite en speel in die gemeenskap se netbalspan. Mnr. Errol April van Amanzi naby Greyton het die Nuweling-prys ontvang as ’n nuwe sagtevrugteboer vir uitsonderlike prestasie in sy eerste vyf jaar in die bedryf. Die afgelope vier jaar het hy aansienlike persoonlike en sake-ontwikkeling in moeilike omstandighede getoon, terwyl hy voor 2013 geen ondervinding van boerdery gehad het nie.