K2 Saad bied wye reeks oliesade
Oliehoudende sade, soos sojabone, kanola en sonneblomme, vorm die grondslag vir ’n groot verskeidenheid voedselsoorte, diererantsoene en ander produkte. K2 Saad spits hom daarop toe om boere by te staan met hul keuse van gewasse ten einde winsgewend en vo
Vir volhoubare produksie bied K2 Saad ’n volledige sonneblompakket wat nasionaal verkrygbaar is. Die sonneblomreeks sluit konvensionele kultivars én basters met beproefde tegnologie in.
K2 Saad het drie nuwe sonneblomkultivars bekend gestel: MG 305 CP en MG 360 CP* (albei is Clearfield-basters) en Aguara 6*, wat ’n konvensionele kultivar is. Hierdie kultivars het ’n goeie opbrengspotensiaal en is aangepas in al die produksiestreke vir sonneblomme.
OESGEREEDHEID
MG 305 CP het ’n hoë opbrengspotensiaal. Die plant met sy afwaartse kopplasing blom op 67-69 dae en is oesgereed op 130-140 dae. MG 305 CP het ’n mediumolie-inhoud en groei tot 180 cm hoog.
MG 360 CP het meestal dieselfde eienskappe as MG 305 CP, maar is oesgereed op 140150 dae en bereik ’n groeihoogte van 175 cm.
Aguara 6* is verdraagsaam teen Alternaria, bruinroes en ook swartstam.
Dit het ’n hoë opbrengspotensiaal. Aguara 6* het ’n hoë olie-inhoud en is op 140 dae tot 160 dae oesgereed.
KANOLA
Wisselbou met kanola lei tot verhoogde opbrengste by opvolggewasse, soos mielies, sigorei, koring en selfs grastipe-weidinggewasse. Kanola kan ook aangewend word as weiding of as deel van ’n dekgewasmengsel.
Vroeë tot mediumlaat kanolatipes is op K2 Saad se produktelys. Alle hierdie kanolakultivars het ’n hoë verdraagsaamheid teen swartstam.
Hyola 50 is ’n konvensionele kultivar met ’n konstante goeie opbrengs. Hyola 575 CL is ’n Clearfield-kultivar met ’n hoë opbrengspotensiaal. Hyola 555 TT (triasien) het uitstekende plantgroeikragtigheid en neem ongeveer 80-87 dae tot blomtyd.
SOJABOON
Sojabone is ’n wonderwerkgewas en word aangewend vir eetbare produkte vir mense en diere, asook industriële produkte. Sojabone is ’n goeie rotasiegewas en lewer ’n waardevolle bydrae tot volhoubare boerdery.
Elke jaar ontvang K2 Saad 30 nuwe kultivars wat in Suid-Afrikaanse toestande geëvalueer word. K2-kultivars word geselekteer op grond van aanpasbaarheid, stabiliteit, siekteverdraagsaamheid en opbrengs. Vier nuwe kultivars is by die sojaboonreeks gevoeg. Drie nuwe kultivars is vir die Hoëveldgebiede van Mpumalanga, die Oos-Vrystaat en KwaZulu-Natal geïdentifiseer.
NS 5009 R is ’n vinnige kultivar met goeie opbrengste in sy groeiklas. Dit presteer veral goed in die koeler Hoëveldstreke, het ’n goeie staanvermoë en is geskik vir vroeë aanplantings. Dit is die grootste verkoper in Argentinië.
NS 5909 R is ’n mediumkultivar wat uitstekend presteer in koeler en in warmer gebiede. NS 5909 R is die grootste verkoper in Brasilië. Die kultivar het stabiele opbrengste en spring nie maklik oop nie.
NS 6448 R is ’n mediumkultivar wat uitstekend presteer in koeler en in warmer gebiede. NS 6448 R is verlede jaar bekend gestel en het opbrengste van meer as 4 ton/ha op droëland gelewer.
Vir die warmer besproeiingsgebiede, soos Loskop en langs die Krokodilrivier, is NS 7211 R ’n onoortreflike langgroeitydkultivar. *Kultivar is tans onder proef en is of sal oorweeg word om binnekort ingedien te word vir registrasie.
NAVRAE: Vir nog inligting oor K2 Saad se produkte, besoek die webwerf www.saadbemarking.
co.za of skakel die K2-kantoor op Oudtshoorn (tel. 044 203 9800) of Potchefstroom (tel. 018 293 1233).