Vereniging word 40 en eer uitnemendheid in die landbou
MNR. CHARLES BACK, eienaar van die wyn-en-kaaslandgoed Fairview by die Paarl, is Landbouskrywers SA se 2017 Boer van die Jaar. Hy het Fairview van ’n familieplaas ontwikkel in ’n internasionaal bekende landgoed wat wyn en kaas van wêreldgehalte produseer.
Hy word allerweë as ’n pionier in Suid-Afrika se wynbedryf beskou. Onder sy leiding was die Fairview-span die eerste wat wynkultivars, soos Viognier, Tempra- nillo, Tannat, Sangiovese en Petite Sirah, ingevoer het. Hy het die eerste bokmelkfabriek in Suid-Afrika opgerig. Dit word deesdae as ’n koolstofneutrale instelling bedryf.
MNR. WARREN BAM van Tulbagh verbou organiese uitvoertafeldruiwe. Hy is aangewys as die Nuwe Toetreder van die Jaar tot die Kommersiële Landbou.
Bam, ’n boorling van Saron, het 13 jaar gelede saam met mnr. Breda van Niekerk begin boer. Sy pa, Herman, het 32 jaar lank vir Van Niekerk se pa, Ben, op hul familieplaas, Lushof, by Saron gewerk.
Warren is in 2004 as plaasbestuurder op Lushof aangestel, en nadat die plaas in 2006 aan Dreammaker Fruits verkoop is, het hy die kans gekry om oorsee ervaring op te doen. Hy het in 2015 met ’n langtermyn-huurkontrak op die buurplaas Gunsteling vir homself begin boer. Mnr. Johan van Niekerk, die eienaar, het Bam sedertdien die opsie gebied om die grond waarop hy boer te koop, onderworpe aan die onderverdeling van die grond.
gewasse in Potchefstroom is die Landboukundige van die Jaar. Sy is veral bekend vir haar navorsing oor die mieliestamboorder en die benutting van Bt-tegnologie as deel van ’n geïntegreerde plaagbestrydingstelsel. Sy is gereeld ’n spreker op boeredae, waar sy praat oor die gratis ekodienste wat ’n diverse en gebalanseerde insektegemeenskap in ’n bewaringsboerderystelsel kan lewer.
Sy bestudeer al jare die ontwikkeling van weerstandigheid teen Bt-tegnologie en die uitwerking van GM mielies op die omgewing. Deesdae spits sy haar ook toe op die bestryding van die nuwe indringerplaag, die herfskommandowurm.