HIÉROM IS KOOLSTOF BELANGRIK
Die organiese materiaal (GOM) in grond is ’n neweproduk van enige ekostelsel se koolstof- en stikstofsiklusse.
Fotosintese deur lewende plante dryf hierdie siklusse aan. As plante in grond groei, word koolstof dus tot die grond toegevoeg.
GOM-molekules bestaan hoofsaaklik uit koolstof en suurstof, met ’n paar waterstof- en stikstofmolekules en nog kleiner hoeveelhede fosfor en swael.
Grondmikrobes, soos bakterieë en swamme, omskep voedingstowwe in die grond in ’n vorm wat deur plante opgeneem kan word. ’n Voorbeeld daarvan is stikstof, wat as sodanig nie deur plantwortels opgeneem kan word nie, maar wel nadat dit deur die mikrobes in nitriete en nitrate omgeskep is.
Sulke mikrobes het ’n gereelde voorraad aktiewe GOM nodig om op te voed om te kan oorleef. Hierdie aktiewe GOM is lewende en dooie vars plant- en dieremateriaal, wat uit suikers en proteïene bestaan wat die mikrobes maklik kan verteer.
Grond wat konvensioneel bewerk is, huisves veel minder mikrobes, aktiewe koolstof, GOM en opgebergde koolstof as geenbewerkte grond.
Die meeste mikrobes in bewerkte grond oorleef in ’n toestand van “hongersnood”, wat hul in ’n staat van dormansie plaas sodat hulle nie die belangrike taak kan verrig om voedingstofelemente in die grond vir plantopname beskikbaar te stel nie. BRON: https://ohioline.osu.edu/factsheet/ SAG-16