JOHN DEERE FINANCIAL HELP JOU SÓ:
Die landbousektor is tans een van die mees dinamiese bedrywe om besigheid in te doen. Die verwagte ekonomiese groeikoers tesame met die groei van die middelklas in Afrika suid van die Sahara, sowel as die kontinent se onontginde landboupotensiaal, bied enorme ekonomiese geleenthede aan rolspelers in dié sektor.
Die koste van – en toegang tot – krediet is egter ‘n bron van kommer in menige moderne landboubesigheid.
John Deere Financial wil produsente help om hierdie hekkie te oorkom en ondersteun daarom ons kliënte met vinnige en maklike kredietprosesse vir die finansiering van nuwe John Deere-toerusting.
John Deere Financial se landboubatefinansieringspakkette word geskoei op jóú unieke omstandighede en meganisasie-behoeftes. Hierdie besondere finansieringsopsie is van toepassing op die aankoop van enige nuwe boerderytoerusting, mits dit van ‘n gemagtigde John Deere-handelaar bekom is.
Sleutelvoordele aan die boer
Gerieflike en buigsame terugbetalingstrukture
John Deere Financial is vertroud met die sikliese aard van landbou, asook die feit dat kontantvloei die lewensaar van ‘n besigheid is. Ons finansieringspakkette word saamgestel om gesonde kontantvloei te ondersteun, om sodoende die groei van jou boerdery-onderneming te help bevorder.
Pasgemaakte oplossings vir boere
Ons verkoop nie bloot produkte nie. Ons bied pasgemaakte oplossings wat jou sal help om die hoogste moontlike vlak van doeltreffendheid te bereik. Wanneer John Deere Financial die leningspakket saamstel, oorweeg ons dus nie slegs die stand van jou balansstaat nie, maar ook die produksiewaarde van die plaas in geheel.
Toegang tot ‘n toegewyde verhoudingsbankier
Wie het die tyd om in die bank in rye te staan? Of om rondgestuur te word om ‘n probleem op te los? Met John Deere Financial se finansieringspakkette word ‘n persoonlike verhoudingsbankier aan jou toegewys wat op jou spesifieke finansieringsbehoeftes fokus, sodat jy jou tyd en aandag kan toespits op dit wat jy die beste doen – boer.
Buigsame leningstydperke
Buigsaamheid ten opsigte van die terugbetalingstermyn maak die finansiering van nuwe toerusting bekostigbaar. Jou verhoudingsbestuurder is byderhand om jou van raad te bedien met gedetailleerde inligting rakende die voordeligste strukturering van paaiemente.
Mededingende rentekoerse op alle nuwe John Deere-toerusting
John Deere Financial streef daarna om aan ons kliënte uiters mededingende rentekoerse op batefinansiering te bied.
Produksteun
Omdat ons verbind is tot die hoogste mate van steun aan voedselprodusente, bied John Deere deurlopend opleiding aan tegnici by ons handelsnetwerke, om voortgesette naverkopediens aan ons kliënte te verseker. Kontak jou naaste John Deere Financialbemarker of John Deere-handelaar vir meer inligting oor John Deere Financial se pasgemaakte finansiële pakkette en bekom daardeur ‘n betroubare en toegewyde vennoot in jou vooruitgang.
Kontakbesonderhede:
Ferdie Marx Alliansiebestuurder: Suid-Afrika John Deere Financial MarxFerdie@JohnDeere.com