Só lyk die nuwe reëls
DIE meeste van die landbouwaardeketting sal aan die nuwe bemagtigingskodes moet voldoen. Ondernemings met ’n jaarlikse omset van minder as R10 miljoen word kwytgeskeld.
Ondernemings sonder winsbejag kan ook aansoek doen om kwytskelding.
’n Onderneming met ’n omset van R10 miljoen tot R50 miljoen word as ’n kwalifiserende klein onderneming beskou en dié met ’n jaarlikse omset van meer as R50 miljoen as ’n groot onderneming. Voldoening aan die kodes is afdwingbaar vir enige onderneming wat die meeste van sy omset uit die volgende kry: Primêre landbouproduksie; Die voorsiening van insette en dienste aan ondernemings wat landbouprodukte produseer; Waardetoevoeging tot landbouprodukte, primêr en/of gedeeltelike waardetoevoeging; Die opberging, verspreiding en/of die handel en verwante bedrywighede verbonde aan produkte waartoe nie waarde gevoeg word nie. Ondernemings se SEB-status word gemeet aan vyf elemente: Eienaarskap, bestuur, vaardigheidsontwikkeling, verskaffer-ontwikkeling en maatskaplik-ekonomiese ontwikkeling. Hiervan geniet drie aspekte prioriteit: Eienaarskap, verskaffer-ontwikkeling en vaardigheidsontwikkeling. Groot ondernemings is verplig om aan al drie te voldoen.
’n Kwalifiserende klein onderneming moet voldoen aan minstens twee van die drie elemente, en word verplig om eienaarskap van 40% van die netto waarde van die onderneming oor te dra aan voorheen benadeeldes. Die volledige kodes is by
beskikbaar. Hou artikels.