STAAT VERSAAK PRODUSENTE IN STRYD TEEN VIRUS
DIE eerste landwye uitbreking van ’n hoogs aansteeklike voëlgriepvirus, H5N8, het die plaaslike pluimveebedryf in Junie getref en veral in die Wes-Kaap tot groot verliese gelei.
Die Departement van Landbou, Bosbou en Visserye het beloof om produsente te vergoed vir die gesonde hoenders wat hulle uitgeslag het, maar teen druktyd was daar nog geen aanduiding van wanneer en hoeveel betaal sou word nie.
Voëlgriep het ook Europese produsente begin vanjaar in hul winter swaar getref. Suid-Afrika het in reaksie daarop die invoer van pluimveeprodukte uit verskeie Europese land verbied. Amerika en Brasilië het egter vinnig daarop gereageer en hul uitvoer verhoog.
Die meeste ingevoerde hoendervleis het vanjaar uit Brasilië gekom. Brasiliaanse hoendervleis is wel onderhewig aan invoertariewe, wat in 2013 verhoog is om die plaaslike bedryf te beskerm.
FAIRPLAY
pluimveepryse ook gestyg.
Genoteerde pluimveeprodusente het daarom stewige resultate behaal. Invoer het, hoewel meer op die agtergrond, egter die hele jaar steeds ’n belangrike kwessie op die agenda gebly, onder meer sterk aangedryf deur die FairPlay-teenstortingsbeweging.
Mnr. Francois Baird, stigter van Fairplay en ook ’n bedrewe skakelman, het gereeld sy stem dikgemaak oor die “storting” van hoendervleis en hoe dit plaaslike werkgeleenthede benadeel. Oudregter Richard Goldstone het die organisasie se beskermheer geword en FairPlay het in die loop van die jaar ’n paneel van verskeie kundiges onder sy vlerk gekry om hom in sy saak te ondersteun.
VERTEENWOORDIGING
Die georganiseerde pluimveebedryf het ’n woelige jaar gehad. Eers het Astral, die land se grootste pluimveeprodusent, in Julie uit die Suid-Afrikaanse Pluimveevereniging (SAPV) bedank, wat, tesame met ander groot produsente wat nie lid was nie, die organisasie finansieel geknou het.
Kort daarna het mnr. Kevin Lovell, jare lange uitvoerende hoof van die SAPV, in Augustus bedank. Dr. Charlotte Nkuna neem nou in sy plek waar.
Produsente het egter in September besluit om die strydbyle te begrawe sodat gemeenskaplike probleme saam aangepak kan word. Die SAPV verteenwoordig sedertdien 80% van die bedryf.